१३व्या स्वर्गीय प्रो. वामनराव आलुरकर मेमोरियल रॅपिड बुद्धिबळ स्पर्धेत एकूण ११०मानांकित खेळाडू झुंजणार

स्वीस लीग फॉरमॅट प्रमाणे खेळण्यात येणाऱ्या या स्पर्धेत एकूण ७फेऱ्या होणार आहेत.  हि स्पर्धा दोन गटात होणार असून गट अ: रेटेड १२५० व त्यावरील खेळाडू, गट ब: १००० ते १२४९ रेटेड खेळाडू या गटात पार पडणार आहे.  स्पर्धेत अ गटात अव्वल मानांकित एफएम कशिश जैन(२१२१), गौरव बाकलिवाल(२१०६), गौरव झगडे(१९५८), तर ब गटात क्षितिज प्रसाद(१२४०) मार्मिक शहा(१२३९), सुमित पेठे(१२३३) हे मानांकित खेळाडू आपले कौशल्य पणाला लावणार आहेत. स्पर्धेसाठी आयए विनिता श्रोत्री हे चीफ आरबीटर म्हणून काम पाहणार आहेत.   स्पर्धेचे उदघाटन १८ फेब्रुवारी रोजी सकाळी ९ वाजता छत्रपती पुरस्कार विजेत्या डब्ल्यूआयएम मृणालिनी कुंटे-औरंगाबादकर आणि सुनील मोकल यांच्या हस्ते पार पडणार आहे.