पीएमआरडीए मार्फत ३५ भूखंडांचा ई-लिलाव; ८० वर्षांच्या भाडेपट्ट्यावर मिळणार भूखंड

पुणे | २२ जुलै २०२५: पुणे महानगर प्रदेश विकास प्राधिकरणाकडून (PMRDA) हवेली, खेड, मावळ आणि मुळशी तालुक्यांतील विविध गावांमधील ३५ भूखंडांचा ई-लिलाव ८० वर्षांच्या भाडेपट्टा तत्त्वावर करण्यात येणार आहे. या ई-लिलाव प्रक्रियेसाठी पात्र व्यक्ती व संस्थांकडून अर्ज मागवण्यात आले आहेत.

या लिलावात ३२ सुविधा भूखंड, २ आरक्षित शैक्षणिक भूखंड, आणि १ सार्वजनिक सुविधा भूखंड (लायब्ररी / संगीत विद्यालय) यांचा समावेश आहे. भूखंडांची नोंदणी व निविदा दस्तऐवज डाऊनलोड करण्याची सुविधा २१ जुलै २०२५ सायंकाळी ५ वाजल्यापासून ११ ऑगस्ट २०२५ सायंकाळी ५ वाजेपर्यंत https://eauction.gov.in या संकेतस्थळावर उपलब्ध असेल.

ई-लिलावाची प्रक्रिया व तारीखा:

तांत्रिक पात्रतेची घोषणा: २१ ऑगस्ट २०२५

ई-लिलावाची सुरुवात: २२ ऑगस्ट २०२५ रोजी सकाळी ११ वाजता

संपूर्ण लिलाव प्रक्रियेबाबतची सविस्तर माहिती, अटी व शर्ती https://eauction.gov.in व www.pmrda.gov.in या अधिकृत संकेतस्थळांवर पाहण्यास उपलब्ध आहे.

पात्र व्यक्ती व संस्थांनी या प्रक्रियेत सहभागी व्हावे, असे आवाहन पीएमआरडीएचे महानगर आयुक्त डॉ. योगेश म्हसे यांनी केले आहे.