पुणे, ३ नोव्हेंबर २०२५ : पुणे महापालिकेच्या हडपसर मुंढवा क्षेत्रिय कार्यालयाच्या अंतर्गत असलेल्या शेवाळेवाडी, मांजरी या भागातील मलनिस्सारण व देखभाल दुरुस्तीविषयक कामकाजात कामामध्ये निष्काळजीपणा हलगर्जीपणा केल्याप्रकरणी मलनिस्सारण आणि देखभाल दुरूस्ती विभागातील शाखा अभियंता आकाश ढेंगे यांना पालिका सेवेतुन निलंबित करण्यात आले आहे. आकाश ढेंगे यांची खातेनिहाय चौकशी करण्याचे आदेश पालिकेच्या अतिरिक्त आयुक्त पवनीत कौर यांनी दिले आहेत.
पुणे महापालिका आयुक्त नवल किशोर राम यांनी शेवाळेवाडी, मांजरी या भागातील विविध विकास कामाची पाहणी केली. यावेळी मलनिस्सारण व देखभाल दुरुस्ती विभागाच्या कामकाजामध्ये मोठ्या प्रमाणावर त्रुटी असल्याचे निदर्शनास आलेले होते. त्यामध्ये रस्त्यांच्या कडेला असणारे मलनिस्सारण विभागाच्या तुटलेल्या चेबर्सची दुरुस्ती न करणे, तुटलेले चेंबर्स धोकादायक स्थितीमध्ये ठेवणे, धोकादायक स्थितीमधील चेंबर्समुळे नागरिकांच्या जीवितास धोका उत्पन्न झालेला असणे, सोलापूर रस्त्याच्या कडेला असणाऱ्या डक्टची साफसफाई न करणे अशा विविध बाबी आयुक्तांच्या निदर्शनास आल्या होत्या. त्याबाबत मलनिस्सारण विभाग मुख्य अभियंता यांनी त्याबाबत अहवाल सादर केला. त्यामध्ये या सर्व कामांची जबाबदारी आकाश ढेंगे यांची असताना त्यांनी या कामामध्ये अक्षम्य दुर्लक्ष केल्याचे, कामामध्ये निष्काळजीपणा हलगर्जीपणा केल्याचे स्पष्ट झाले. ढेंगे यांनी कर्तव्यात हयगय केल्याची, धोकादायक स्थितीमधील चेंबर्समुळे नागरिकांच्या जीवितास धोका उत्पन्न झाल्याची बाब निदर्शनास आलेली होती. त्यामुळे ढेंगे यांना कामातील हलगर्जीपणासाठी कारणे दाखवा नोटीस बजावण्यात आलेली होती. त्यापर ढेंगे यांनी केलेला खुलासा हा अत्यंत विसंगत असून, अक्षम्य दुर्लक्ष केल्याचे, कामामध्ये निष्काळजीपणा – हलगर्जीपणा केल्याचे निदर्शनास आले आहे. त्यामूळे शाखा अभियंता आकाश ढेगें यांना पालिका सेवेतुन निलंबित करण्यात आले आहे. ढेंगे यांची खातेनिहाय चौकशी करण्याचे आदेश अतिरिक्त आयुक्त पवनीत कौर यांनी दिले आहेत.
दिव्यांगाचे प्रमाणपत्र बोगस
मलनिस्सारण आणि देखभाल दुरूस्ती विभागातील कनिष्ठ अभियंता आकाश ढेंगे यांचाकडे दोन दिव्यांग प्रमाणपत्र असल्याचे उघडकीस आले आहे. ही दोन्ही दिव्यांग प्रमाणपत्र छत्रपती प्रमिलाराजे (सीपीआर) जिल्हा रूग्णालयातुन मिळालेली आहेत. त्यातील पहिले दिव्यांगप्रमाणपत्र २१ डिसेंबर २०१६ रोजीचे असुन त्यावर दिव्यांगाचे प्रमाण ६३ टक्के आहे. तर दुसरे प्रमाण २० जानेवारी २०१७ रोजीचे असुन त्यावर दिव्यांगाचे प्रमाण ५५ टक्के आहे. विशेष म्हणजे ही दोन्ही प्रमाणपत्रे एकाच डॉक्टरांनी दिलेली आहेत. या दिव्यांग प्रमाणपत्राबाबत पुणे महापालिकेकडे लिखित स्वरूपात तक्रार करण्यात आली होती.
More Stories
Pune: पदवीधर-शिक्षक मतदार नोंदणीसाठी ६ नोव्हेंबरपर्यंत मुदत : जिल्हाधिकारी जितेंद्र डुडी
लोहगावातील झोपडीतून बहरैनपर्यंतचा सुवर्ण प्रवास… नंदीबैलवाल्याचा मुलगा ठरला आशियाई कुस्तीचा ‘गोल्डन बॉय’
Pune: कोथरूड बस डेपो चौकात उभारणार दुमजली उड्डाणपूल; वाहतूक कोंडीची समस्या सोडविण्यासाठी प्रशासनाचे पाऊल