18व्या रमेश देसाई मेमोरियल 12 वर्षाखालील राष्ट्रीय टेनिस अजिंक्यपद स्पर्धेत वीर चतुर, यशवर्धन सिंग, निब्रास हुसेन, तमन्ना नायर यांची आगेकूच

मुंबई, 14 फेब्रुवारी 2024 : महाराष्ट्र राज्य लॉन टेनिस संघटना(एमएसएलटीए) यांच्या वतीने आयोजित 18व्या रमेश देसाई मेमोरियल 12 वर्षाखालील राष्ट्रीय टेनिस अजिंक्यपद स्पर्धेत मुलांच्या गटात उप – उपांत्यपूर्व फेरीत वीर चतुर, यशवर्धन सिंग, निब्रास हुसेन यांनी तर, मुलींच्या गटात तमन्ना नायर यांनी मानांकित खेळाडूंवर विजय उपांत्यपूर्व फेरीत प्रवेश केला.

जीए रानडे टेनिस कॉम्प्लेक्स व बॉबे जिमखाना येथे सूरू असलेल्या या स्पर्धेत मुलींच्या गटात महाराष्ट्राच्या नवव्या मानांकित तमन्ना नायर हीने हरियाणाच्या सातव्या मानांकित आराधना तेहलनचा 6-3, 6-3 असा पराभव अनपेक्षित निकाल नोंदवला. पाचव्या मानांकित महाराष्ट्राच्या सृष्टी सूर्यवंशी हीने दहाव्या मानांकित पंजाबच्या सहेज लाखतचा 6-4, 6-4 असा संघर्षपूर्ण पराभव केला. अव्वल मानांकित कर्नाटकच्या सृष्टी किरणने आपल्या लौकिकाला साजेशी खेळी करत ओडिशाच्या सोळाव्या मानांकित संरचना दासचा 6-0, 6-0 असा एकतर्फी पराभव करून उपांत्यपूर्व फेरी गाठली.

मुलांच्या गटात नवव्या मानांकित महाराष्ट्राच्या वीर चतुरने तेलंगणाच्या आठव्या मानांकित  निर्वाण मार्गनाचा 6-4, 7-5 असा तर, उत्तरप्रदेशच्या यशवर्धन सिंगने आपली अनपेक्षित निकालाची मालिका कायम ठेवत तेलंगणाच्या सातव्या मानांकित सुजइ पोथुलाचा 6-1, 6-2 असा पराभव केला. आसामच्या बिगरमानांकित निब्रास हुसेन याने तेलंगणाच्या सहाव्या मानांकित सत्या चिंतागुंताचे आव्हान 6-2, 6-1 असे संपुष्टात आणले.

निकाल: मुख्य ड्रॉ: उप-उपांत्यपूर्व फेरी: 12वर्षांखालील मुले:

युवान गर्ग (उत्तरप्रदेश)[1]वि.वि. यशवंतराजे पवार(महाराष्ट्र)6-4, 6-0;

वीर चतुर (महाराष्ट्र)[9]वि.वि. निर्वाण मार्गना(तेलंगणा)[8]6-4, 7-5;

यशवर्धन सिंग(उत्तरप्रदेश)वि.वि.सुजइ पोथुला(तेलंगणा)[7]6-1, 6-2;

आरव छल्लानी(महाराष्ट्र)[4]वि.वि.स्वयम रथ(कर्नाटक)6-2, 7-6(3);

पुनीत एम(कर्नाटक)[3]वि.वि. रोनक हरयानी(राजस्थान)[16]6-3, 7-5;

निब्रास हुसेन(आसाम)वि.वि. सत्या चिंतागुंता(तेलंगणा)[6]6-2, 6-1;

तनिश नंदा (पंजाब)[5]वि.वि. भावेश चौधरी(राजस्थान)6-0,6-0;

रॉनी विजय कुमार(तामिळनाडू)[2]वि.वि.स्पर्श पाटील (महाराष्ट्र)6-1, 6-0;

12वर्षांखालील मुली:

सृष्टी किरण(कर्नाटक)[1]वि.वि.संरचना दास(ओडिशा) [16]6-0, 6-0;

खुशी कादियन(हरियाणा) [2]वि.वि. माहिरा भाटिया(उत्तराखंड)[14]6-0, 6-4;

सरेना गहलोट(हरियाणा)[3]वि.वि.दिया आर जानकी(तामिळनाडू)वि.वि.

पद्मा रमेशकुमार(केरळ)[4]वि.वि. शझफा एसके(पश्चिम बंगाल)[13]6-3, 6-3;

सृष्टी सूर्यवंशी(महा)[5]वि.वि.सहेज लाखत(पंजाब)[10] 6-4, 6-4;

प्रणिता वट्टपरंबिल(आंध्रप्रदेश)[6]वि.वि.सारा फेंगसे(महाराष्ट्र)6-1, 6-1;

तमन्ना नायर(महा)[9]वि.वि.आराधना तेहलन(हरियाणा)[7]6-3, 6-3;

एशिथा श्रीयाला (आंध्रप्रदेश)[8]वि.वि.झोहा कुरेशी(तेलंगणा)[12]6-4, 6-0.