18व्या रमेश देसाई मेमोरियल 12 वर्षाखालील राष्ट्रीय टेनिस अजिंक्यपद स्पर्धेत युवान गर्ग, आरव छल्लानी, तनिश नंदा, पुनीत एम , सृष्टी किरण, खुशी कादियन, पद्मा रमेशकुमार, सरेना गहलोट यांचा उपांत्य फेरीत प्रवेश

मुंबई, 15 फेब्रुवारी 2024 : महाराष्ट्र राज्य लॉन टेनिस संघटना(एमएसएलटीए) यांच्या वतीने आयोजित 18व्या रमेश देसाई मेमोरियल 12 वर्षाखालील राष्ट्रीय टेनिस अजिंक्यपद स्पर्धेत मुलांच्या गटात उपांत्यपूर्व फेरीत युवान गर्ग, आरव छल्लानी, तनिश नंदा, पुनीत एम यांनी तर, मुलींच्या गटात सृष्टी किरण, खुशी कादियन, पद्मा रमेशकुमार, सरेना गहलोट यांनी आपापल्या प्रतिस्पर्धी खेळाडूंचा पराभव करून उपांत्य फेरीत प्रवेश केला.

जीए रानडे टेनिस कॉम्प्लेक्स व बॉबे जिमखाना येथे सूरू असलेल्या या स्पर्धेत एकेरीत मुलांच्या गटात उपांत्यपूर्व फेरीत अव्वल मानांकित उत्तरप्रदेशच्या युवान गर्ग याने आसामच्या निब्रास हुसेनचा 5-7, 6-2, 6-0 असा तीन सेटमध्ये संघर्षपूर्ण पराभव केला. महाराष्ट्राच्या चौथ्या मानांकित आरव छल्लानी याने आपला राज्य सहकारी नवव्या मानांकित वीर चतुरला 6-1, 6-0 असे पराभुत केले. पंजाबच्या पाचव्या मानांकित तनिश नंदा याने दुसऱ्या मानांकित तामिळनाडूच्या रॉनी विजय कुमारचा 6-1, 6-0 असा सहज पराभव केला. तिसऱ्या मानांकित कर्नाटकच्या पुनीत एम याने उत्तरप्रदेशच्या यशवर्धन सिंगचा 6-2, 6-4 असा पराभव करून उपांत्य फेरीत प्रवेश केला.

मुलींच्या गटात अव्वल मानांकित कर्नाटकच्या सृष्टी किरण याने आंध्रप्रदेशच्या सहाव्या मानांकित प्रणिता वट्टपरंबिलचे आव्हान 6-3, 6-0 असे मोडीत काढले. दुसऱ्या मानांकित हरियाणाच्या खुशी कादियन हीने महाराष्ट्राच्या पाचव्या मानांकित सृष्टी सूर्यवंशीचा 6-3, 6-4 असा पराभव करून आगेकूच केली. चौथ्या मानांकित केरळच्या पद्मा रमेशकुमारने महाराष्ट्राच्या नवव्या मानांकित तमन्ना नायरचा 6-2, 6-3 असा सरळ सेटमध्ये पराभव केला. तिसऱ्या मानांकित हरियाणाच्या सरेना गहलोटने आंध्रप्रदेशच्या आठव्या मानांकित एशिथा श्रीयालाचा 6-2, 6-3 असा पराभव उपांत्य फेरीत धडक मारली.

दुहेरीत मुलांच्या गटात उपांत्यपूर्व फेरीत महाराष्ट्राच्या वीर चतुर व आसामच्या निब्रास हुसेन यांनी तेलंगणाच्या एस चिंतागुंटा व सुजई पोथुला यांचा 7-5, 6-4 असा तर, महाराष्ट्राच्या आरव छल्लानी याने तामिळनाडूच्या रॉनी विजय कुमारच्या साथीत कर्नाटकाच्या तनुष एसबीसी व पंजाबच्या तनिष नंदा यांचा 6-4, 6-4 असा पराभव करून उपांत्य फेरीत प्रवेश केला.

निकाल: मुख्य ड्रॉ: उपांत्यपूर्व फेरी: 12वर्षांखालील मुले:
युवान गर्ग (उत्तरप्रदेश)[1]वि.वि.निब्रास हुसेन(आसाम)5-7, 6-2, 6-0;
आरव छल्लानी(महाराष्ट्र)[4]वि.वि.वीर चतुर (महाराष्ट्र)[9]6-1, 6-0;
पुनीत एम(कर्नाटक)[3]वि.वि. यशवर्धन सिंग(उत्तरप्रदेश)6-2, 6-4;
तनिश नंदा (पंजाब)[5]वि.वि.रॉनी विजय कुमार(तामिळनाडू)[2]6-1, 6-0;

12वर्षांखालील मुली:
सृष्टी किरण(कर्नाटक)[1]वि.वि.प्रणिता वट्टपरंबिल(आंध्रप्रदेश)[6]6-3, 6-0;
खुशी कादियन(हरियाणा) [2]वि.वि.सृष्टी सूर्यवंशी(महा)[5]6-3, 6-4;
पद्मा रमेशकुमार(केरळ)[4]वि.वि. तमन्ना नायर(महा)[9]6-2, 6-3;
सरेना गहलोट(हरियाणा)[3]वि.वि. एशिथा श्रीयाला (आंध्रप्रदेश)[8]6-2, 6-3;

दुहेरी: उपांत्यपूर्व फेरी: मुले:
युवान गर्ग(उत्तरप्रदेश) [1]/पुनीत एम(कर्नाटक)वि.वि. क्रिश बनिवाल(दिल्ली)/कबीर दहिया(हरियाणा)6-2, 6-0;
वीर चतुर (महा)/निब्रास हुसेन(आसाम)वि.वि. एस चिंतागुंटा(तेलंगणा)/सुजई पोथुला(तेलंगणा) 7-5, 6-4;
निर्वाण मार्गना(तेलंगणा)/निहाल रेड्डी(कर्नाटक)[4]वि.वि. जाफरिन सॅम्युअलडोस(तामिळनाडू)/प्रबनूर सिंग(दिल्ली)6-1,6-3;
आरव छल्लानी(महा)/रॉनी विजय कुमार(तामिळनाडू) [2]वि.वि. तनुष एसबीसी(कर्नाटक)/तनिष नंदा(पंजाब) 6-4, 6-4;

मुली:
सृष्टी किरण(केरळ) [1] / पद्मा रमेशकुमार(केरळ) वि.वि.माहिरा भाटिया(उत्तरप्रदेश)/आराधना तेहलन(हरियाणा) 7-5, 4-6, 10-4;
एशिथा श्रीयाला(आंध्रप्रदेश)/परिनिता वट्टाप्रंबिल(आंध्रप्रदेश)वि.वि.सिद्धी पांडे(उत्तरप्रदेश)/शुभी शर्मा(दिल्ली) 6-2, 6-0;
जोहा कुरेशी(तेलंगणा)/सृष्टी सूर्यवंशी(महा) [4]वि.वि.सौम्या चौधरी (राजस्थान)/मायरा शेख(महा)6-1, 6-2;
सरेना गेहलोत(हरियाणा)/खुशी कादियन(हरियाणा)[2]वि.वि.सारा फेंगसे (महा)/शजफा एसके(पश्चिम बंगाल) 6-1, 7-6(5).