पुणे: अनुसूचित जातीच्या नवउद्योजक आवाहन

पुणे, दि.१७: स्टँड अप योजनेअंतर्गत अनुसूचित जातीसाठीच्या सवलती घेण्यास पात्र असलेला अनुसूचित व नवबौद्ध घटकातील नवउद्योजक यांनी १० टक्के स्वहिस्सा भरणा केल्यानंतर व बँकेने अर्जदाराम स्टँड अप इंडिया योजनेतर्गत ७५ टक्के कर्ज मंजूर केल्यानंतर उर्वरित १५ टक्के मार्जिन मनी देण्यात येते. या योजनेचा लाभ घेण्याचे आवाहन करण्यात येत आहे.

योजनेचा लाभ घेण्यासाठी इच्छुकांनी सहायक आयुक्त, समाज कल्याण, पुणे यांचे कार्यालय बाबासाहेब आंबेडकर सामाजिक न्याय भवन, स.क्र. १०४/१०५. विश्रांतवाडी पोलीस स्टेशनसमोर येरवडा येथून अर्ज प्राप्त करून घ्यावेत, असे आवाहन करण्यात सहायक आयुक्त समाज कल्याण संगीता डावखर यांनी केले आहे.