महावितरणकडून प्रदर्शनीद्वारे वीजग्राहकांचे प्रबोधन

पुणे, दि. ०४ नोव्हेंबर २०२२: इलेक्ट्रिकल कॉन्ट्रॅक्टर्स असोशिएशन ऑफ महाराष्ट्र (इकॅम)च्या पुणे विभागाकडून आयोजित तीन दिवसीय ‘एक्स्पो-२०२२’ प्रदर्शनीमध्ये महावितरणच्या पुणे परिमंडलाकडून वीजग्राहकांचे प्रबोधन करण्यात आले. यावेळी महावितरणची ग्राहकसेवा, वीजसुरक्षा, वीजबचतीबाबत माहितीपत्रक वितरीत करण्यात आले.

वीजक्षेत्रातील अत्याधुनिक उपकरणे व नाविन्यपूर्ण संकल्पना याबाबत माहिती देण्यासाठी कर्वे रस्त्यावरील महालक्ष्मी लॉन्समध्ये आयोजित तीन दिवसीय ‘एक्स्पो-२०२२’ प्रदर्शनीचे उद्घाटन शुक्रवारी (दि. ४) एमएसईबी सूत्रधारी कंपनीचे संचालक श्री. विश्वास पाठक यांच्याहस्ते झाले. महावितरणकडून लावण्यात आलेल्या प्रदर्शनीद्वारे वीजग्राहकांचे प्रबोधन करण्यात आले. महावितरणचे सोलर रुफ टॉप, ई-व्हेईकल, मोबाईल अॅप, ऑनलाइन वीजबिल भरणा, पर्यावरणपुरक गो-ग्रीन योजना आदींसह वीजसुरक्षेचे महत्व व खबरदारी, वीजबचतीचे उपाय आदींबाबत प्रदर्शनीला भेट दिलेल्या वीजग्राहकांना माहिती देण्यात आली. तसेच संबंधीत माहितीचे पत्रकही वितरीत करण्यात आले.

एमएसईबी सूत्रधारी कंपनीचे संचालक श्री. विश्वास पाठक यांनी या प्रदर्शनीला भेट दिली. यावेळी मुख्य अभियंता श्री. सचिन तालेवार, अधीक्षक अभियंता श्री. प्रकाश राऊत, श्री. सतीश राजदीप, कार्यकारी अभियंता श्री. संजीव राठोड, श्री. दत्तात्रेय साळी, श्री. संजय वाघमारे आदींची उपस्थिती होती. तीन दिवसीय प्रदर्शनीमध्ये ग्राहक सुविधा केंद्रांचे अतिरिक्त कार्यकारी अभियंता बी. बी. भरणे व राकेश महाजन, उपकार्यकारी अभियंता डॉ. संतोष पटनी व ग्राहक सुविधा केद्रांतील कर्मचारी महावितरणच्या ग्राहकसेवेची माहिती देत आहेत.