पुणे, २१ नोव्हेंबर २०२५: पुणे ग्रॅंड चॅलेंज दूर सायकलिंग स्पर्धा २०२६ दरम्यान स्पर्धकांची सुरक्षितता आणि मार्गावरील डांबरीकरणाचे काम निर्विघ्नपणे पार पाडण्यासाठी जिल्हाधिकारी तथा जिल्हादंडाधिकारी जितेंद्र डूडी यांनी वाहतूक वळविण्याचे आदेश जारी केले आहेत. मोटार वाहन कायदा १९८८ चे कलम ११५ आणि शासनाच्या गृह विभागाच्या 19 मे 1990 च्या अधिसूचनेनुसार मिळालेल्या अधिकारांचा वापर करून हा निर्णय घेण्यात आला आहे.
या आदेशानुसार 20 नोव्हेंबर 2025 ते 2 डिसेंबर 2025 या कालावधीत दररोज सकाळी 8 ते रात्री 9 या वेळेत संबंधित मार्गांवरील सर्व प्रकारची वाहतूक पर्यायी मार्गांनी वळविण्यात येणार आहे.
पर्यायी मार्ग पुढीलप्रमाणे:
मोरगाव ते मुर्टी रोड
या मार्गावर काम सुरू असताना वाहतूक:
मोरगाव – लोणीपाटी – लोणी भापकर – पेशवे वस्ती (कोऱ्हाळे बु) – करंजेपूल – सोमेश्वरनगर
मुर्ती ते चौधरवाडी फाटा रोड
काम सुरू असताना वाहतूक:
मुर्ती – वाकी – करंजे – सोमेश्वरनगर
चौधरवाडी फाटा ते निरा रोड
काम सुरू असताना वाहतूक:
चौधरवाडी फाटा – करंजे – सोमेश्वर
जिल्हादंडाधिकारी डूडी यांनी नागरिकांना पर्यायी मार्गांचा वापर करून प्रशासनास सहकार्य करण्याचे आवाहन केले आहे. स्पर्धेदरम्यान सुरळीत वाहतूक आणि सुरक्षिततेसाठी संबंधित विभागांना आवश्यक ती खबरदारी घेण्याचे सूचनाही देण्यात आल्या आहेत.
More Stories
सूर महती महोत्सवात रसिकांनी अनुभविली गायन, वादन आणि नृत्यप्रस्तुतीची अनुभूती
नगरपरिषद व नगरपचांयतीच्या सार्वत्रिक निवडणूकीकरिता २ डिसेंबर रोजी सार्वजनिक सुट्टी जाहीर-जिल्हाधिकारी जितेंद्र डुडी
Pune: शहरात ३० नोव्हेंबर रोजी ‘नदी महोत्सव’ साजरा होणार