मेंढपाळांना बिबटपासून सुरक्षेसाठी जुन्नर वन विभागामार्फत 400 सौर दिवे आणि तंबूचे वाटप

पुणे, ०६/१२/२०२४: जुन्नर वनविभागात बिबट्यांची वाढती संख्या लक्षात घेता बिबट्या पासून नागरिकांचे संरक्षण व्हावे यासाठी घरगोठ्यांभोवती सौर कुंपण, नेक बेल्ट इत्यादी अनेक उपाययोजना वन विभागामार्फत राबविण्यात येत आहेत. याचाच एक भाग म्हणून उघड्यावर झोपणा-या मेंढपाळाच्या सुरक्षिततेचा प्रश्न ऐरणीवर आल्याचे पाहून अमोल सातपुते, उपवनसंरक्षक जुन्नर यांनी त्यांचेसाठी सौर दिवे आणि तंबूची संकल्पना मांडली.

वन विभागाने हे सुरक्षिततेचे पाऊल तात्काळ उचलले असून जुन्नर वनविभागातील शासकीय निधी उपलब्ध करत मेंढपाळांना राहण्यासाठी 400 सौर दिवे आणि 400 तंबू खरेदी केले असून मेंढपाळांना सदर वाटप करण्यात येत आहेत. सर्व तंबू आणि सौर दिवे उपलब्ध झाले असून पहिल्या टप्प्यात जुन्नर तालुक्यात 85 सौर दिवे व तंबूचे वाटप पूर्ण झाले असून उर्वरित तंबू व सौर दिवे मेंढपाळांना आता उपलब्ध करून दिले जात आहेत असे सातपुते, उपवनसंरक्षक जुन्नर यांनी सांगितले.

सौर दिवे आणि तंबूमुळे बिबट हल्ला,सर्पदंश तसेच पाऊस व थंडी यापासून मेंढपाळांचे संरक्षण होण्यासाठी मदत होईल असे लहू ठोकळ , वनपरीक्षेत्र अधिकारी ओतूर म्हणाले.

आज दिनांक 6 डिसेंबर रोजी आळे, पिपंरी पेंढार, उंब्रज, वडगांव आनंद, बेल्हे, निमगाव सावा, मंगरूळ, पारगाव तर्फे आळे, शिरोली तर्फे आळे, सुलतानपूर, येडगाव, खोडद, हिवरे तर्फे नारायणगाव, वडगांव कांदळी, येथील वास्तव्यास असलेल्या श्री. शिवराम बुधा करगळ, श्री. लालु पांगरु पोकळे, श्री. अविनाश बंडु तांबे, श्री. गोरेक बाबाजी कोळेकर, श्री. काळूराम गजानन करगळ, श्री. रोहिदास धुळा करगळ, श्री.साळू राम धुळा करगळ, श्री.बाळु साळू राम क-हे, श्री., श्री.गंगा राम महादू क-हे, श्री. हनुमंत पोपट माने, श्री. शिवाजी बाळु कोळेकर, श्री.सुनिल पुना कोकरे, श्री.वसंत लक्ष्मण चक्कर, श्री.नारायण बाळु कोळेकर, श्री. तुकाराम महादू करे, श्री सहादू पावसु खरात, श्री.पांडुरंग बाबाजी देवकर, श्री.भास्कर खंडू दुबे, श्री.काळू राम नाथा घुले, श्री.अंकुश तुळशीराम जानक, श्री.किसन भाऊ साहेब चीतळकर, श्री. संतोष तुकाराम तोंडे, श्री.चिमाजी भागु सोनार, श्री. दामु हिरामण खरात, श्री. भानुदास बुधा करगळ व इतर अशा एकुण 55 मेंढपाळांना सौर दिवे व तंबूचे वाटप मा.श्री. अमोल सातपुते, उपवनसंरक्षक जुन्नर यांच्या हस्ते करणेत आले. सौर दिवा कशा प्रकारे वापरावा तसेच तंबू कसा लावावा व तो जास्तीत जास्त कसा टिकेल याचे प्रात्यक्षिक श्री. कैलास भालेराव, वनरक्षक आळे, श्री. संतोष साळुंके, वनपाल खोडद व श्री. विशाल गुंड, वनरक्षक खोडद यांनी करून दाखवले यावेळी श्रीमती, निकिता बोटकर वन परिक्षेत्र अधिकारी, रेस्क्यू टीम मेंबर संतोष कुतळ, रोशन भोर रवी केदार खंडू वामन आदी उपस्थित होते.