पुणे, २५/०९/२०२३: समाजमाध्यमात झालेल्या ओळखीतून महाविद्यालयीन युवतीला मद्य पाजून तिच्यावर बलात्कार केल्याप्रकरणी एका डाॅक्टरविरुद्ध विश्रामबाग पोलिसांनी गुन्हा दाखल केला.
डाॅ. शुभंकर महापुरे (वय २६,रा. विजया अलंकार सोसायटी, तळजाई पठार, धनकवडी) असे गु्न्हा दाखल केलेल्याचे नाव आहे. याबाबत एका युवतीने विश्रामबाग पोलीस ठाण्यात फिर्याद दिली आहे. पीडीत युवती परगावची आहे. ती पुण्यात शिक्षणासाठी आली आहे.
समाजमाध्यमातून त्याची युवतीशी ओळख झाली होती. त्यानंतर त्याने युवतीला जाळ्यात ओढले. त्याने युवतीला जेवण करण्यासाठी त्याने तिला नारायण पेठेतील कार्यालयात बोलावून घेतले. जेवण करण्यापूर्वी त्याने तिला मद्य पाजले. मद्य प्याल्याने युवतीला गुंगी आली. डाॅ. महापुरे याने तिच्यावर बलात्कार केला. घाबरलेल्या युवतीने विश्रामबाग पोलीस ठाण्यात धाव घेतली. पोलीस उपनिरीक्षक साळुंखे तपास करत आहेत.
More Stories
सूर महती महोत्सवात रसिकांनी अनुभविली गायन, वादन आणि नृत्यप्रस्तुतीची अनुभूती
नगरपरिषद व नगरपचांयतीच्या सार्वत्रिक निवडणूकीकरिता २ डिसेंबर रोजी सार्वजनिक सुट्टी जाहीर-जिल्हाधिकारी जितेंद्र डुडी
Pune: शहरात ३० नोव्हेंबर रोजी ‘नदी महोत्सव’ साजरा होणार