खराडीत तरूणाच्या हातातील ६० हजारांचा मोबाईल हिसकाविला

पुणे, २६/७/२०२१ – मोबाइलवर बोलत असताना पाठीमागून दुचाकीवर आलेल्या चोरट्यांनी तरूणाच्या हातातील ६० हजारांचा मोबाईल हिसकावून नेला. ही घटना २५ जुलैला संध्याकाळी सव्वा सातच्या सुमारास खराडीतील गंगा कॉन्स्टेला इमारतीसमोरील रस्त्यावर घडली. याप्रकरणी गोवर्धन मानम (वय २६, रा. खराडी) यांनी चंदननगर पोलीस ठाण्यात तक्रार दिली आहे.

पोलिसांनी दिलेल्या माहितीनुसार, गोवर्धन एका खासगी वंâपनीत कामाला असून काल संध्याकाळी सातच्या सुमारास ते मोबालवर बोलत होते. त्यावेळी दुचाकीवरून आलेल्या दोघा चोरट्यांनी जबरदस्तीने त्यांच्या हातातील ६० हजारांचा मोबाइल हिसकावून पळ काढला. गोवर्धन यांनी आरडाओरडा करेपर्यत चोरटे पसार झाले. याप्रकरणी चंदननगर पोलीस तपास करीत आहेत.