पुणे: कोयत्या गँगमधील आणखी दोघांना बेड्या, अल्पवयीन ताब्यात

मयुर दत्तात्रय थोरात वय २३  रा. नानापेठ,  आणि  सुजल राजेश टापरे वय १९ दोघेही रा. नानापेठ अशी अटक केलेल्यांची नावे आहेत. यापुर्वी गगन मिशन (रा. नानापेठ),  अमन युसूफ खान (रा. नानापेठ),   अरसलन तांबोळी (रा. रविवार पेठ), मंगेश वैâलास चव्हाण (रा. रविवार पेठ), गणेश प्रकाश पवार (रा. रविवार पेठ) यांना अटक केली आहे.

दहशत निर्माण करण्यासाठी सराईत टोळीने हातात कोयते आणि सुरा घेउन  नानापेठेतील नवावाडा परिसरात राडा घातला होता. कोयते नाचवित आरडाओरड करून नागरिकांमध्ये दहशत निर्माण केली होती. याप्रकरणी गुन्ह्याचा समांतर तपास युनीट एक करीत होते. कोयता गँगमधील दोघे आरोपी नारायण पेठेतील मंदीरालगत लपल्याची माहिती पोलिस अमलदार  अजय थोरात आणि  निलेश साबळे यांना मिळाली. पथकाने  सापळा रचून मयूर आणि सुजल याच्यासह अल्पवयीनाला ताब्यात घेतले. ही कामगिरी पोलीस आयुक्त रितेश कुमार, सहआयुक्त संदीप कर्णिक, अपर आयुक्त रामनाथ पोकळे , उपायुक्त अमोल झेंडे,  एसीपी गजानन टोम्पे, पोलीस निरीक्षक संदीप भोसले, उपनिरीक्षक सुनिल कुलकर्णी, पोलीस अंमलदार अजय थोरात, निलेश साबळे, दत्ता सोनवणे, विठ्ठल साळुंखे, तुषार माळवदकर,  रूक्साना नदाफ यांनी केली.