दोशी इंजिनिअर्स करंडक आंतरक्लब 25 वर्षांखालील निमंत्रित क्रिकेट स्पर्धेत पीवायसी हिंदु जिमखाना व डीव्हीसीएस यांच्यात विजेतेपदासाठी लढत

पुणे, 23 नोव्हेंबर 2022- पाथ-वे फाउंडेशन यांच्या वतीने आयोजित व एमसीए यांच्या मान्यतेखाली होत असलेल्या दोशी इंजिनिअर्स करंडक आंतरक्लब 25 वर्षांखालील निमंत्रित क्रिकेट स्पर्धेत उपांत्य फेरीत पीवायसी हिंदु जिमखाना व दिलीप वेंगसरकर क्रिकेट अकादमी या संघानी अनुक्रमे क्लब ऑफ महाराष्ट्र व अँबिशियस क्रिकेट अकादमी संघाचा पराभव करून अंतिम फेरीत प्रवेश केला.

पीवायसी हिंदू जिमखाना मैदानावरील सामन्यात साहिल चुरी(नाबाद 99धावा) व गुरवीर सिंग सैनी(नाबाद  80) यांनी केलेल्या फलंदाजीच्या जोरावर पीवायसी हिंदु जिमखाना संघाने क्लब ऑफ महाराष्ट्र संघाचा 4 गडी राखून पराभव करत दिमाखात अंतिम फेरी गाठली. प्रथम फलंदाजी करताना क्लब ऑफ महाराष्ट्र संघाने  48 षटकांत 9 बाद 292धावा केल्या. यात विराज दारवटकरने 73 चेंडूत 10चौकारांच्या मदतीने 57 धावा, तर  अश्कन काझीने 72 चेंडूत 9चौकार व 1षटकारासह 64 धावा केल्या. या दोघांनी तिसऱ्या गड्यासाठी 79 चेंडूत 74 धावांची भागीदारी करून संघाला चांगली सुरुवात करून दिली. त्यानंतर अनुश भोसलेने 63 चेंडूत 9चौकार व 3षटकारासह 73 धावा आणि आदिल अन्सारीने 29 धावा काढून चौथ्या गड्यासाठी 42 चेंडूत 73 धावांची भागीदारी करून संघाला आव्हानात्मक धावसंख्या उभारून दिली. पीवायसीकडून आदित्य डावरे(3-58), साहिल चुरी(2-67), गुरवीर सिंग सैनी(1-48), स्वराज चव्हाण(1-44) यांनी सुरेख गोलंदाजी केली. 

 
हे आव्हान पीवायसी हिंदू जिमखाना संघाने 47षटकात 6बाद 296धावा करुन पुर्ण केले. यात सलामीचे फलंदाज अमेय भावे(44धावा), श्रेयस वाळेकर(16धावा) हे झटपट बाद झाले. त्यामुळे संघ 6 बाद 106धावा अडचणीत सापडला. त्यानंतर फलंदाजीस आलेल्या साहिल चुरीने धडाकेबाज फलंदाजी करत 80चेंडूत 9चौकार व 2षटकाराच्या नाबाद 99 धावांची खेळी केली. साहिलला गुरवीर सिंग सैनीने 66चेंडूत 5चौकार व 4षटकारासह नाबाद  80 धावा काढून चांगली साथ दिली. या दोघांनी सातव्या गड्यासाठी 146चेंडूत 190धावांची भागीदारी करून संघाला विजय मिळवून दिला. अष्टपैलू कामगिरी करणाऱ्या साहिल चूरी याला सामनावीर पुरस्कार देण्यात आला.

दुसऱ्या सामन्यात यश जगदाळे(99धावा) याने केलेल्या सुरेख फलंदाजीच्या जोरावर दिलीप वेंगसरकर क्रिकेट अकादमी संघाने अँबिशियस क्रिकेट अकादमी संघाचा केवळ एका धावेच्या फरकाने थरारक विजय मिळवला.

खालील निकाल आहेत: उपांत्य फेरी:
पीवायसी मैदान: क्लब ऑफ महाराष्ट्र: 48 षटकांत 9 बाद 292धावा(अनुश भोसले 73(63,9×4,3×6), अश्कन काझी 64(72,9×4,1×6), विराज दारवटकर 57(73,10×4) ), राजवर्धन उंद्रे 37(41,3×4,2×6), आदिल अन्सारी 29(17), अभिनव तिवारी नाबाद 15, आदित्य डावरे 3-58, साहिल चुरी 2-67, गुरवीर सिंग सैनी 1-48, स्वराज चव्हाण 1-44 ) पराभुत वि.पीवायसी हिंदू जिमखाना: 47षटकात 6बाद 296धावा(साहिल चुरी नाबाद 99(80,9×4,2×6), गुरवीर सिंग सैनी नाबाद  80(66,5×4,4×6), अमेय भावे 44(60,7×4), श्रेयस वाळेकर 16, अनुश भोसले 1-38, आदिल अन्सारी 1-38); सामनावीर – साहिल चुरी; पीवायसी संघ 4 गडी राखून विजयी;

डीव्हीसीए मैदान: दिलीप वेंगसरकर क्रिकेट अकादमी:  (यश जगदाळे 99(125,10×4,3×6), अंश धूत नाबाद 76(77,7×4,3×6), वैभव विभूते 3-30, संकेत फराटे 2-53)वि. वि.अंबिशियस क्रिकेट अकादमी: 45 षटकांत 8 बाद 235 धावा (ऋषिकेश बारणे 56(97,7×4), सचिन भोसले नाबाद 55(33,3×,4×6), रोहित हाडके 38(60), तनेश जैन 44(39,8×4,1×6), सोहम जमाले 2-19, मिझान सय्यद 1-33, टिळक जाधव 1-60; सामनावीर- यश जगदाळे; डीव्हीसीए संघ 1धावांनी विजयी