पीएमपीएमएल कडून ग्रामीण भागातील मार्ग दिनांक ७ डिसेंबर २०२२ पासून पूर्ववत सुरू

पुणे , 06 डिसेंबर 2022: पुणे महानगर परिवहन महामंडळ लि.कडुन पी.एम.आर.डी.ए. क्षेत्रातील ग्रामीण भागातील मार्गांपैकी दोन टप्प्यात ११  बस मार्ग दि. २६/११/२०२२ पासून अ. क्र. १ ते ११ हे बस मार्ग व दि. ०३/१२/२०२२ पासून अ. क्र. १२ ते २३ हे बस मार्ग असे एकूण २३ बस मार्ग बंद करण्यात आलेले होते. सदरच्या मार्गांवर प्राप्त होणारे उत्पन्न व येणारा खर्च यामध्ये मोठ्या प्रमाणात तफावत असल्याने सदरचे बस मार्ग बंद करण्याचा निर्णय घेण्यात आलेला होता. तथापि, प्रवाशांच्या मागणीनुसार या मार्गावरील बससेवा दिनांक ०७/१२/२०२२ पासून पूर्ववत सुरू करण्यात येत आहे.

पूर्ववत सुरु होणाऱ्या बस मार्गांचा तपशील खालीलप्रमाणे

सदर बस मार्ग सुरु होत असल्याने या मार्गावरून ये-जा करणाऱ्या प्रवाशांना किफायतशीर दरात सुरक्षित सेवा उपलब्ध होणार आहे. तरी जास्तीत-जास्त प्रवासी नागरिकांनी या बस सेवांचा लाभ घ्यावा असे आवाहन पुणे महानगर परिवहन महामंडळाकडून करण्यात येत आहे.