पुणे, दि. १३/०८/२०२३: भाडोत्री दुकानाचा वाद न्यायालयात सुरु असतानाही संबंधित मालकाने टोळक्याच्या मदतीने दुकानातील साहित्याची तोडफोड करीत १७ हजारांची रोकड चोरुन नेली. ही घटना १९ ते २० जुलैला कॅम्पमधील क्लोअर सेंटरमध्ये घडली आहे.
सर्फराज सलीम हबीब याच्यासह सात ते आठजणांविरुद्ध गुन्हा दाखल करण्यात आला आहे. याप्रकरणी महेबूब अब्दुल मजीद आलाना (वय ५१, रा. एनआयबीएम रस्ता, कोंढवा ) यांनी लष्कर पोलीस ठाण्यात तक्रार दाखल केली आहे.
पोलिसांनी दिलेल्या माहितीनुसार, महेबुब यांनी आरोपी सर्फराज यांचे दुकान भाडेतत्वावर चालविण्यासाठी घेतले आहे. मात्र, मागील काही महिन्यांपासून त्यांचा वाद असल्यामुळे प्रकरण न्यायालयात आहे. असे असतानाही, सर्फराजने टोळक्याच्या मदतीने दुकानात शिरुन काउंटरची तोडफोड केली. दुकानातील १७ हजारांची रोकड चोरुन नेत, कामगारांना मारहाण करीत शिवीगाळ केली आहे. याप्रकरणी पोलीस उपनिरीक्षक अक्षय गायकवाड तपास करीत आहेत.
More Stories
लोकसभा मतदारसंघाच्या निवडणुका पारदर्शक वातारणात आणि शांततेत पार पाडण्यासाठी प्रशासन सज्ज-जिल्हाधिकारी डॉ.सुहास दिवसे
पुणे: लोकसभा निवडणूक मतदानादिवशी मतदारसंघात सार्वजनिक सुट्टी, कामासाठी बाहेर असलेल्या मतदारांनाही सुट्टी असणार
ऐनवेळची धावपळ टाळण्यासाठी आजच मतदान केंद्राची माहिती घ्या -डॉ. सुहास दिवसे