February 24, 2024

सीएमएस चॅम्पियन्स करंडक इलेव्हन-अ-साईड राज्यस्तरीय फुटबॉल स्पर्धेत डीएफए मुंबई, सीएमएस फाल्कन्स ब संघांची विजयी सलामी

पुणे, 22 मे 2023: सीएमएस(चिंचवड मल्याळी समाज) व सीएमएस फाल्कन्स फुटबॉल क्लब यांच्या वतीने सीएमएस चॅम्पियन्स करंडक इलेव्हन-अ-साईड राज्यस्तरीय फुटबॉल स्पर्धेत पहिल्या फेरीत डीएफए मुंबई,  सीएमएस फाल्कन्स ब या संघांनी आपापल्या प्रतिस्पर्धी संघांचा पराभव करून विजयी सलामी दिली. 
 
निगडी येथील मदन लाल धिंग्रा स्टेडियमवर आजपासून सुरु झालेल्या स्पर्धेत पहिल्या फेरीत शाहिद शेख(41, 42मि.) याने नोंदवलेल्या दोन गोलांच्या जोरावर डीएफए मुंबई संघाने  मिलर्स फुटबॉल क्लबचा 2-0 असा ओआरभव करून शानदार सुरुवात केली. दुसऱ्या सामन्यात दक्ष एम(6मि.) याने नोंदविलेल्या एकमेव गोलाच्या जोरावर सीएमएस फाल्कन्स ब संघाने घोरपडी यंग वन्स संघावर 1-0 असा विजय मिळवला. 
 
याआधी स्पर्धेचे उदघाटन पिंपरी चिंचवड महानगरपालिकेचे माजी नगरसेवक राहुल कलाटे, पीसीएमसीचे राजू मिसाळ, सीएमएसचे अध्यक्ष टी.पी.विजयन, फ्रेंड्स क्लब ऑफ प्राधिकरणचे कीर्ती शहा, पीसीएमसी हॉकी फेडरेशनचे अध्यक्ष राजेश पिल्ले यांच्या हस्ते करण्यात आले. यावेळी शनूप नायर आणि तनय आपटे आदी मान्यवर उपस्थित होते. 
 
स्पर्धेचा सविस्तर निकाल: पहिली फेरी:
डीएफए मुंबई: 
2 (शाहिद शेख 41, 42मि.)वि.वि.मिलर्स फुटबॉल क्लब: 0; 
सीएमएस फाल्कन्स ब: 1 (दक्ष एम 6मि.)वि.वि.घोरपडी यंग वन्स: 0.