पुणे, दि. २४/०९/२०२३: महानगरपालिकेसमोर बेकायदेशीर जमाव जमवून चिथवाणी देणारी भाषणे करून समाजात जातीय तेढ निर्माण केल्याची घटना ४ सप्टेंबरला घडली होती. याप्रकरणी समस्त हिंदू आघाडीचे अध्यक्ष मिलिंद एकबोटे यांच्यासह पुण्यश्लोक पुनर्निर्मिती समिती अध्यक्ष कुणाल सोमेश्वर कांबळे, किरण चंद्रकांत शिंदे ,विशाल दिलीप पवार यांच्यासह इतर कार्यकर्त्यावर शिवाजीनगर पोलीस ठाण्यात गुन्हा दाखल करण्यात आला आहे .
पोलिसांनी दिलेल्या माहितीनुसार, कुंभारवाडा परिसरातील पुण्येश्वर मंदिराजवळील मशिदीवरून वाद सुरू आहे. त्यापार्श्वभूमीवर आरोपींना ४ सप्टेंबरला पुणे महानगरपालिका मुख्य इमारतीच्या प्रवेशद्वाराजवळ आंदोलन करण्याची परवानगी नव्हती. मात्र, तरीही आरोपी कुणाल कांबळे आणि मिलिंद एकबोटे यांनी बेकायदेशीर जमाव जमवला. दोन समाजामध्ये जातीय तेढ निर्माण करणारी भाषणे केली गेली. जमावबंदी आदेशाचा भंग केल्याने संंबंधिताविरुद्ध गुन्हा दाखल करण्यात आला आहे. याप्रकरणी पोलिसांनी कायदेशीर तज्ञांचा सल्ला घेतल्यामुळे गुन्हा दाखल होण्यास विलंब झाल्याचे सांगितले आहे. सहायक पोलीस निरीक्षक बी आईवळे तपास करत आहे.
More Stories
पुणे: सवलत न मिळालेल्या मिळकतीचे सर्वेक्षण
महाराष्ट्र कल्चरल सेंटरच्या वतीने येत्या १५ ते २३ मे दरम्यान बालरंग महोत्सवाचे आयोजन
पुणे: अखेर शास्त्रीनगर चौकातील फ्लायोवर व ग्रेड सेपरेटर चा मार्ग मोकळा पुरात्वत विभागाची एनओसी मिळाली