पुणे, दि. २३/०६/२०२३: भरदिवसा बंद फ्लॅटचे कुलूप तोडून चोरट्यांनी ३ लाख ५६ हजारांचा ऐवज चोरुन नेला. ही घटना २२ जूनला दुपारी दीडच्या सुमारास येरवड्यातील सुमा बिल्डींगमध्ये घडली. याप्रकरणी नरेश चौधरी (वय ३५, रा. चित्रा चौक, येरवडा) यांनी येरवडा पोलीस ठाण्यात तक्रार दाखल केली आहे.
पोलिसांनी दिलेल्या माहितीनुसार, नरेश हे कुटूंबियासह येरवड्यातील सुमा इमारतीत राहायला आहेत. २२ जूनला दुपारी त्यांचा फ्लॅट बंद असताना, चोरट्यांनी कुलूप तोडून आतमध्ये प्रवेश केला. घरातील साडेतीन लाखांचे दागिने मोबाइल असा ३ लाख ५६ हजारांचा ऐवज चोरुन नेला. याप्रकरणी पोलीस उपनिरीक्षक अंकुश डोंबाळे तपास करीत आहेत.
More Stories
‘विधिमंडळात तळागाळातील जनतेच्या आकांक्षा प्रतिबिंब हवे’ : मुख्यमंत्री देवेंद्र फडणवीस
राहुल सोलापूरकरसारखी वृत्ती ठेचलीच पाहिजे: सुनील तटकरे यांची टीका
‘राहुल गांधी यांच्या भ्रामक विचारांमुळे अराजकतावाद्यांना बळ’ मुख्यमंत्री देवेंद्र फडणवीस यांचा आरोप