पुणे, ०६/०७/२०२३: पतीपासून वेगळे राहत असलेल्या महिलेला प्रेमाच्या जाळ्यात अडकवून तिच्या मुलाला सांभाळण्याचे आश्वासन देऊन बलात्कार करणार्या गुन्हे शाखेतील एका पोलिसावर बलात्कार तर तिला शिवीगाळ करणार्या त्याच्या सहकारी पोलिस साथीदाराचे प्राथमिक चौकशीअंती निलंबन करण्यात आले आहे. पोलिस उपायुक्त अमोल झेंडे यांनी हे आदेश दिले आहेत.
याप्रकरणी कादिर कलंदर शेख, समीर पटेल अशी निलंबीत करण्यात आलेल्या दोघांची नावे आहेत. याबाबत एका महिलेनी लष्कर ठाण्यात फिर्याद दिली आहे.
याप्रकरणात बलात्कार, अॅट्रासिटी, जबरी चोरीच्या विविध कलमान्वये गुन्हा दाखल करण्यात आला आहे. पतीपासून ती वेगळी राहत होती. तिला एक मुलगा देखील आहे. पीडित महिलेशी आरोपी कादिर शेख याची तीन वर्षांपूर्वी ओळख झाली होती. शेखने तिला विवाहाचे आमिष दाखवून वेळोवेळी तिच्यावर बलात्कार केला. तरुणीने त्याच्याकडे विवाहाबाबत विचारणा केली. तेव्हा त्याने टाळाटाळ केली. तरुणीला लष्कर भागातील एका हॉटेलजवळ बोलावून आरोपी कादिर शेख, समीर पटेल, दोन साथीदार आणि बुरखा परिधान केलेल्या महिलेने मारहाण केली तसेच मोबाईल हिसकावून नेला, असे पीडित तरुणीने फिर्यादीत म्हटले आहे. या प्रकरानंतर आता पोलिस उपायुक्तांनी शेख आणि पटेल या दोन पोलिस कर्मचार्यांना निलंबीत केले आहे. सहायक पोलिस आयुक्त अश्विनी राख तपास करीत असून कादिर शेखला 7 तारखेपर्यंत न्यायालयाने पोलिस कोठडी सुनावली आहे.
More Stories
पुणे: अखेर शास्त्रीनगर चौकातील फ्लायोवर व ग्रेड सेपरेटर चा मार्ग मोकळा पुरात्वत विभागाची एनओसी मिळाली
पुणे शहरात वॉर्डनिहाय मतदार सहाय्यता कक्ष स्थापन
राहुल गांधी यांची शुक्रवारी पुण्यात सभा