एमएसएलटीए – नवसह्याद्री क्रीडा संकूल अखिल भारतीय मानांकन टॅलेंट सिरीज(14वर्षाखालील)टेनिस स्पर्धेत वैष्णव रानवडेचा सनसनाटी विजय

पुणे,दि.21 नोव्हेंबर 2023: एम टेनिस अकादमी व शेपींग चॅम्पियन्स यांच्या संलग्नतेने आयोजित व एआयटीए, एमएसएलटीए, पीएमडीटीए यांच्या मान्यतेखाली होत असलेल्या एमएसएलटीए – नवसह्याद्री क्रीडा संकूल अखिल भारतीय मानांकन टॅलेंट सिरीज (14 वर्षाखालील) टेनिस स्पर्धेत मुख्य ड्रॉमध्ये दुसऱ्या फेरीत मुलांच्या गटात लकी लुझर ठरलेल्या वैष्णव रानवडेने तिसऱ्या मानांकित सनत कडलेचा 7-6(7), 6-2 असा पराभव करून सनसनाटी निकालाची नोंद केली.

नवसह्याद्री क्रीडा संकूल टेनिस कोर्ट येथे सुरु असलेल्या या स्पर्धेत मुलांच्या गटात अव्वल मानांकित स्मित उंडरेने आश्रित मज्जीचे आव्हान 6-0, 6-4 असे संपुष्टात आणले. सहाव्या मानांकित नमिश हुडने अंशुल पुजारीवर 6-2, 6-1 असा विजय मिळवला. चौथ्या मानांकित स्वर्णिम येवलेकरने पात्रता फेरीतून मुख्य फेरीत प्रवेश केलेल्या अनिश वडनेरकरचा 7-6(6), 6-4 असा पराभव करून उप-उपांत्यपूर्व फेरी गाठली. पाचव्या मानांकित त्रिशिक वाकलकरने आरुष पोतदारला 6-4, 7-5 असे पराभूत केले.

मुलींच्या गटात अव्वल मानांकित श्रावी देवरेने आपल्या लौकिकाला साजेशी खेळी करत अयाती तुडयेकरचा 6-0, 6-0 असा पराभव केला. सहाव्या मानांकित प्रार्थना खेडकरने आयुश्री तरंगेचा 6-2, 6-4 असा तर, तिसऱ्या मानांकित काव्या देशमुखने सारा फेंगसेचा 6-2, 6-3 असा सरळ सेटमध्ये पराभव केला. चौथ्या मानांकित रित्सा कोंडकरने मायरा शेखचा 6-2, 4-6, 6-0 असा तीन सेटमध्ये संघर्षपुर्ण पराभव केला. लकी लुझर ठरलेल्या ओवी मारणे हिने शेरयल राजचा 6-1, 6-2 असा पराभव करून आगेकूच केली.

निकाल: मुख्य ड्रॉ: दुसरी फेरी: मुले:
स्मित उंडरे(1)वि.वि.आश्रित मज्जी 6-0, 6-4;
नमिश हुड(6)वि.वि.अंशुल पुजारी 6-2, 6-1;
स्वर्णिम येवलेकर(4)वि.वि.अनिश वडनेरकर 7-6(6), 6-4;;
त्रिशिक वाकलकर(5)वि.वि.आरुष पोतदार 6-4, 7-5;
आर्यन किर्तने(8)वि.वि.अथर्व डकरे 6-0, 6-1;
वैष्णव रानवडे वि.वि.सनत कडले(3) 7-6(7), 6-2;

मुली:
श्रावी देवरे(1)वि.वि.अयाती तुडयेकर 6-0, 6-0;
प्रार्थना खेडकर(6)वि.वि.आयुश्री तरंगे 6-2, 6-4;
काव्या देशमुख(3)वि.वि.सारा फेंगसे 6-2, 6-3;
अवनी देसाई(8)वि.वि.जान्हवी सावंत 6-4, 6-2;
रित्सा कोंडकर(4)वि.वि.मायरा शेख 6-2, 4-6, 6-0;
ओवी मारणे वि.वि.शेरयल राज 6-1, 6-2.