पुणे, दि. ०३/०३/२०२३: दुचाकी वेडीवाकडी का चालवतोस असे विचारत दुचाकीस्वार चोरट्यांनी तरुणाकडील रोकड आणि गळयातील सोन्याचा गोफ हिसकावून नेला. ही घटना १ मार्चला रात्री साडेअकराच्या सुमारास वारजे माळवाडीत परिसरात घडली.
याप्रकरणी सोमनाथ बालाजी पांचाळ (वय ३८, रा. वारजे माळवाडी) यांनी वारजे पोलिस ठाण्यात तक्रार दिली आहे.
पोलिसांनी दिलेल्या माहितीनुसार, फिर्यादी सोमनाथ हे १ मार्चला कामावरुन सुटल्यानंतर दुचाकीवरुन घरी निघाले होते. त्यावेळी वारजे पुल परिसरात दुचाकीस्वार चोरट्यांनी त्यांचा पाठलाग करुन थांबविले. तु वाकडी तिकडी गाडी का चालवतोस, असे म्हणत एका चोरट्याने सोमनाथच्या खिशातील १ हजार २०० रुपये आणि गळ्यातील ४० हजारांचा सोन्याचा गोफ असा ऐवज हिसकावून नेला. याप्रकरणी पोलीस उपनिरीक्षक जवळगी तपास करीत आहेत.
More Stories
कोरियन वाणिज्य दूतावासातर्फे २८ जून रोजी पुण्यात ‘क्विझ ऑन कोरिया २०२६’ची प्राथमिक फेरी
व्यवसायात मूल्यांचे निर्विवाद महत्त्व : रमेश अग्रवाल
Pune: पथारी व्यावसायिकांसाठी अभय योजनेचा प्रस्ताव