एसपी गोसावी मेमोरियल आंतरक्लब टेनिस अजिंक्यपद स्पर्धेत पीवायसी ब संघाचा उपांत्य फेरीत प्रवेश

पुणे, 25 मार्च 2023: पीवायसी हिंदू जिमखाना आणि पुणे मेट्रोपोलिटन जिल्हा टेनिस संघटना(पीएमडीटीए) यांच्या वतीने आयोजित एसपी गोसावी मेमोरियल आंतरक्लब टेनिस अजिंक्यपद स्पर्धेत गटसाखळी फेरीत इलाईट डिव्हिजन गटात पीवायसी ब संघाने पीसीएलटीए संघाचा 24-16 असा पराभव करून उपांत्य फेरीत प्रवेश केला.

पीवायसी हिंदू जिमखाना येथील टेनिस कोर्टवर सुरु असलेल्या या स्पर्धेत इलाईट डिव्हिजनमध्ये ब गटात प्रशांत गोसावी, राधिका मांडरे, परज नाटेकर, अमित नाटेकर, योगेश पंतसचिव, अनिरुद्ध साठे, अमोघ बेहेरे, रोहित शिंदे यांच्या विजयी कामगिरीच्या जोरावर पीवायसी ब संघाने पीसीएलटीए संघाचा 24-16 असा पराभव करून आगेकूच केली.

ड गटात एमडब्लूटीए 1 संघाने सोलारिस ईगल्स संघाचा 22-14 असा पराभव करून पहिला विजय नोंदवला. विजयी संघाकडून गजानन कुलकर्णी, राजेश मंकणी, सुमंत पॉल, जयदीप वाकणकर, पार्थ मोहपात्रा, विवेक खडगे यांनी अफलातून कामगिरी केली. अखेरच्या साखळी फेरीच्या लढतीत क गटात एफसी गन्स अँड रोझेस संघाने पीवायसी क संघाचा 20-15 असा पराभव करून आपली विजयी मालिका कायम ठेवली.

उपांत्य फेरीत पीवायसी अ विरुद्ध टेनिसनट्स यांच्यात पहिला सामना, तर पीवायसी ब विरुद्ध एफसी गन्स अँड रोझेस यांच्यात दुसरा सामना रंगणार आहे.

स्पर्धेचा सविस्तर निकाल: गट साखळी फेरी: इलाईट डीव्हिजन:
गट ब: पीवायसी ब वि.वि.पीसीएलटीए 24-16(110 अधिक गट: प्रशांत गोसावी/राधिका मांडरे वि.वि.सुधाकर/गिरीश कुकरेजा 6-4; 100 अधिक गट: परज नाटेकर/अमित नाटेकर वि.वि.राजेश मित्तल/रवी जौकानी 6-5; 90 अधिक गट: योगेश पंतसचिव/अनिरुद्ध साठे वि.वि.सचिन भास्करन/कुरियन टी. 6-2; खुला गट: अमोघ बेहेरे/रोहित शिंदे वि.वि.शिलादित्य बी./कल्पेश मंकणी 6-5);

गट ड: एमडब्लूटीए 1 वि.वि.सोलारिस ईगल्स 22-14(110 अधिक गट: गजानन कुलकर्णी/राजेश मंकणी वि.वि.सुनील परहाड/सिद्धू जोशी 6-4; 100 अधिक गट: सुमंत पॉल/जयदीप वाकणकर वि.वि.संजीव घोलप/गिरीश साने 6-0; 90अधिक गट: आशिष मणियार/प्रफुल नागवानी पराभुत वि.सुबोध पेठे/अन्वित पाठक 4-6, खुला गट: पार्थ मोहपात्रा/विवेक खडगे वि.वि.रवींद्र पांडे/निनाद वाहीकर 6-4);

गट क: एफसी गन्स अँड रोझेस वि.वि.पीवायसी क 20-15(110 अधिक गट: संजय रासकर/पुष्कर पेशवा पराभुत वि.अभय जमेनिस/सारंग देवी 4-6; 100 अधिक गट: मिलिंद तलाठी/संग्राम चाफेकर वि.वि.राजू कांगो/श्रवण हर्डीकर 6-1;90 अधिक गट: धनंजय कवडे/पंकज यादव पराभुत वि.अमित लाटे/मिहिर दिवेकर 4-6; खुला गट: सचिन साळुंखे/वैभव अवघडे वि.वि.तन्मय चोभे/ध्रुव मेड 6-2).