गद्रे मरीन-एमएसएलटीए आयटीएफ ग्रेड 3 कुमार टेनिस अजिंक्यपद स्पर्धेत कीर्तना रागिनेनी, नाव्या शर्मा, अव्यक्ता रायावरपू, नमित भाटिया, सक्षम भन्साळी यांचे सनसनाटी विजय

पुणे,दि.27 नोव्हेंबर 2025: डेक्कन जिमखाना यांच्या तर्फे आयोजित व आयटीएफ, महाराष्ट्र राज्य लॉन टेनिस संघटना(एमएसएलटीए)आणि पुणे मेट्रोपोलिटन जिल्हा टेनिस संघटना(पीएमडीटीए)यांच्या मान्यतेखाली होत असलेल्या गद्रे मरीन-एमएसएलटीए आयटीएफ ग्रेड 3 कुमार टेनिस अजिंक्यपद स्पर्धेत मुलींच्या गटात कीर्तना रागिनेनी, नाव्या शर्मा, अव्यक्ता रायावरपू यांनी, तर मुलांच्या गटात नमित भाटिया, सक्षम भन्साळी या खेळाडूंनी मानांकित खेळाडूंचा पराभव करून पात्रता फेरीच्या अंतिम चरणात प्रवेश केला.

डेक्कन जिमखाना टेनिस कोर्ट,येथे आजपासून सुरू झालेल्या या स्पर्धेत मुलींच्या गटात अमेरिकेच्या कीर्तना रागिनेनी हिने अव्वल मानांकित भारताच्या तनिष्का भटनागरचा 6-1, 1-3 असा तर, नाव्या शर्माने सातव्या मानांकित आरोही देशमुखचा 6-3, 6-4 असा पराभव करून अंतिम पात्रता फेरी गाठली. अमेरिकेच्या
अव्यक्ता रायावरपूने दुसऱ्या मानांकित भारताच्या दिया अग्रवालचा 6-3, 1-6, 10-5 असा पराभव केला.

मुलांच्या गटात बिगर मानांकित सक्षम भन्साळी याने चौथ्या मानांकित ईशान देव शिवकुमारचा 6-3, 6-3 असा पराभव करून आगेकूच केली. नमित भाटिया याने सहाव्या मानांकित अथर्व श्रीरामोजूचा 6-7(4), 6-1, 14-12 असा कडवा प्रतिकार केला. पाचव्या मानांकित अद्वित तिवारीने रुनमान महेशचा 4-6, 7-5, 10-4 असा पराभव केला.

निकाल: मुली: दुसरी पात्रता फेरी:
कीर्तना रागिनेनी(अमेरिका) वि.वि.तनिष्का भटनागर(1(भारत) 6-1, 1-3 सामना सोडून दिला;
नाव्या शर्मा(भारत) वि.वि.आरोही देशमुख(7)(भारत)6-3, 6-4;
अव्यक्ता रायावरपू(अमेरिका) वि.वि.दिया अग्रवाल(2)(भारत)6-3, 1-6, 10-5;
अद्विता गुप्ता(5)(भारत) वि.वि.काव्या देशमुख(भारत)6-2, 6-2;
देवश्री महाडेश्वर(3)(भारत) वि.वि.अन्वेषा धर(भारत)6-0, 6-3;
सतीश मित्रविंदा(6)(अमेरिका) वि.वि.साझी जैन(भारत) 7-6(3), 6-3;
दीप्ती वेंकटेशन(4)(भारत) वि.वि.याना अरोरा(अमेरिका)6-1, 6-0;
रिद्धी शिंदे(8)(भारत) वि.वि.वीरा हारपुडे(भारत) 6-1, 6-3;

मुले:
अयान शेट्टी(1)(भारत) वि.वि.आर्य दुबे(ऑस्ट्रेलिया) 6-1, 6-3;
नमित भाटिया(भारत) वि.वि.अथर्व श्रीरामोजू(6)(भारत) 6-7(4), 6-1, 14-12;
नीव कोठारी(2)(भारत) वि.वि.विश्वजीत सणस(भारत)3-6, 7-5, 12-10;
राहुल लोकेश(7)(भारत) वि.वि.वेंकटेश जी(भारत)6-2, 6-1;
उदय कौल(3)(भारत) वि.वि.ऋषभ रामनन(भारत)6-0, 6-1;
श्रेयस नरेंद्रन (भारत) वि.वि.एच सनमरेड्डी (भारत) 6-3, 6-2;
सक्षम भन्साळी(भारत) वि.वि.ईशान देव शिवकुमार आय(4)(भारत) 6-3, 6-3;
अद्वित तिवारी(5)(भारत) वि.वि.रुनमान महेश(भारत) 4-6, 7-5, 10-4;