पुणे, दि. 22/02/2023- गिऱ्हाईकाच्या वादातून दोन गटाने शहरातील नामांकित फर्ग्युसन रस्ता परिसरात गोंधळ घालत शांततेचा भंग केला. याप्रकरणी डेक्कन पोलिसांनी गुन्हा दाखल करून चौघांना अटक केली आहे. ही घटना २१ फेब्रुवारीला दुपारी साडे बाराच्या सुमारास घडली.
महेश मारुती नायक, वय २४ रा आणाभाऊ साठे चौक, वारजे, सुरज श्रीकांत कालगुडे वय २१ रा जनवाडी अमित निलेश देशपांडे वय २६ रा. ५५ नारायण पेठ विशाल नरेश उकिर्डे वय २१ रा.तळजाई रोड अशी अटक केलेल्याची नावे आहेत. पोलीस अमलदार तुषार आल्हाट यांनी डेक्कन पोलीस ठाण्यात तक्रार दाखल केली आहे.
फर्ग्युसन रस्ता परिसरात आरोपीची विविध वस्तू विक्रीची दुकाने आहेत. त्यांच्यात मागील काही दिवसांपासून ग्राहकामुळे वाद सुरू आहेत. मंगळवारी दुपारी बाराच्या सुमारास पुन्हा ग्राहक दुकानात येण्यावर त्यांच्यात वादावादी झाली. त्या रागातून दोन्ही गटाने एकमेकांना मारहाण करीत शांततेचा भंग केला. याप्रकरणी डेक्कन पोलिसांनी तातडीने गुन्हा दाखल करून आरोपीना अटक केली. गुन्ह्याचा तपास पोलीस उपनिरीक्षक महेश भोसले करीत आहेत.
More Stories
पुणे: मुरलीधर मोहोळांनी महापालिका आणि पाटबंधारेला दिला हा इशारा
पुणे: पुराचा धोका असणाऱ्या भागात सीसीटीव्ही कॅमेरे बसविणार – आयुक्त डॉ राजेंद्र भोसले यांनी दिली माहिती
जलसंपदा विभाग आणि महापालिकेच्या असमन्वामुळेच पुण्यात पूरस्थिती: केंद्रीय राज्यमंत्री मोहोळ यांचा आरोप