पुणे, दि. १३ मे, २०२३ : मोहनवीणा आणि सात्विकवीणा यांचा बहारदार अविष्कार पुणेकर रसिकांनी अनुभविला निमित्त होते सुप्रसिद्ध तबलावादक पं. अरविंद कुमार आझाद यांच्या तालायन म्युझिक सर्कल या संस्थेच्या वतीने तबला सम्राट पद्मविभूषण पं. किशन महाराज यांच्या जन्मशताब्दीचे औचित्य साधत आयोजित करण्यात आलेल्या ‘श्रध्दा सुमन’ या विशेष सांगितिक कार्यक्रमाचे.
कार्यक्रमाच्या पहिल्या दिवशी मोहनवीणा आणि सात्विक वीणेच्या झंकाराने पुणेकरांना जणू विस्मयीत केले. यावेळी ग्रॅमी पुरस्कार विजेते पद्मभूषण पं विश्वमोहन भट्ट आणि त्यांचे सुपुत्र तंत्री सम्राट पं सलील भट्ट यांनी आपले वीणावादन प्रस्तुत केले. त्यांनी राग गावती सादर केला. यावेळी या दोघांनी जुगलबंदी सादर करीत दुर्मिळ लयकारीचे प्रदर्शन करीत राग खुलवत नेला. यासोबतच ग्रॅमी पुरस्कार प्राप्त ‘अ मिटींग बाय दी रिव्हर…’ ही रचना सादर केली. त्यांना पं हिमांशू महंत यांनी समर्पक तबलासाथ केली. यानिमित्ताने पुणेकरांनी मोहनवीणा आणि सात्विक वीणा यांचे वादन अनुभविले.
More Stories
संरक्षण मंत्रालयाच्या पुणे येथील दक्षिण विभागाच्या जनसंपर्क अधिकारी पदी अंकुश चव्हाण यांची नियुक्ती
डेक्कन कॉलेज पद्व्युत्तर आणि संशोधन संस्था, अभिमत विद्यापीठ, पुणे येथे ‘वाचन संकल्प महाराष्ट्राचा’ उपक्रम उत्साहात पार पडला.
वंचित मुलांसाठी हक्काचे घर निर्माण करून देणारे कावेरी व दीपक नागरगोजे यांची सामान्य ते असामान्य कार्यक्रमात होणार विशेष मुलाखत