February 12, 2025

ऋषी सुनक जेव्हा सेल्फी काढतात…

पुणे, ०४/०२/२०२५: ब्रिटनचे माजी पंतप्रधान ॠषी सुनक भारताच्या दौर्‍यावर आहेत. ॠषी सुनक यांच्या जीवनावर आधारित लिहिलेल्या पुस्तकाच्या निमित्ताने त्यांना भेटण्याचा योग आला. या दरम्यान सुनक यांनी स्वतः मोबाईल हातामध्ये पकडत सेल्फी काढला. या ठिकाणी असलेले सर्वजण त्यांच्याकडे पाहत राहिले. साधेपणा आणि मनमिळाऊपणा अनुभवयाला मिळाल्याचे ॠषी सुनक या पुस्ताकाचे लेखक व पत्रकार दिगंबर दराडे यांनी सांगितले.

मुंबई या ठिकाणी रविवारी सायंकाळी सहा वाजता ॠषी सुनक आणि दिगंबर दराडे यांची भेट झाली. या दरम्यान दराडे यांनी लंडन येथे जाऊन लिहिलेल्या सुनक यांच्या जीवनावरील पुरस्तकाची प्रत त्यांना भेट दिली. आपल्यावर लिहिले पुस्तक पाहून सुनक भारावून गेले. पुस्तकाच्या कव्हेरपेजवरील त्यांचा फोटो पाहताच त्यांनी मनमुरादपणे दाद दिली. पुस्तक लिहिल्या बद्दल दराडे यांचे त्यांनी मनपूर्वक आभार मानले. पुस्तक वाचून मी माझा अभिप्राय आपणास नक्की पाठवेल असे त्यांनी सांगितले.

ब्रिटनच्या पंतप्रधानपदी राहिलेल्या सुनक यांचा साधेपणा याठिकाणी वेळोवेळी जाणवत होता. सहजरित्या सर्वांशी वागण्याची त्यांची लकब त्यांच्या व्यक्तिमत्वाचा अधिक प्रभाव पाडत होती. त्यांनी स्वःता दराडे यांच्याबरोबर मोबाईलमध्ये सेल्फी काढला. हसमुख चेहर्‍यांनी या ठिकाणी आलेल्या सर्वांनाच ते भेट होते. भारतीय वंशाचे असलेले ॠषी सुनक यांचे भारताशी नेहमीच स्नेहबंध राहिलेले आहेत.

सामाजिक कार्यकर्त्या व इन्फोयसिस फांऊडेशनच्या संस्थापिका खासदार सुधा मूर्ती आणि उद्योजक नारायण मूर्तींचे ते जावई आहेत. ज्या देशाने आपल्यावर दीडशे वर्षे राज्य केलं. त्या देशाचा पंतप्रधान होण्याचा त्यांना पहिला मान मिळाला. प्रत्येक भारतीय माणसाला त्यांच्या विषयी अभिमान आहे. एक स्थितप्रज्ञ, हिंदू संस्कृतीचा अभिमान बाळगणारे आणि मंदिरात जाऊन पूजा करणारे, गोपूजा करणारे, गीतेवर हात ठेऊन खासदारकीची शपथ घेणार्‍या पंतप्रधानाचा या ठिकाणी सर्वांना अभिान वाटत होता.