19व्या रमेश देसाई मेमोरियल 16 वर्षाखालील राष्ट्रीय ज्युनियर टेनिस अजिंक्यपद स्पर्धेत वरद पोळचा मानांकित खेळाडूवर विजय

कोल्हापूर, 21 मे 2024: महाराष्ट्र राज्य लॉन टेनिस संघटना(एमएसएलटीए) व कोल्हापूर जिल्हा टेनिस संघटना(केडीएलटीए) यांच्या वतीने आयोजित 19व्या रमेश देसाई मेमोरियल 16 वर्षाखालील राष्ट्रीय ज्युनियर टेनिस अजिंक्यपद स्पर्धेत मुलांच्या गटात महाराष्ट्राच्या वरद पोळ याने दुसऱ्या मानांकित उत्तरप्रदेशच्या ऋषी यादवचा 6-3, 6-3 असा पराभव करून सनसनाटी निकालाची नोंद केली.

कोल्हापूर येथील केडीएलटीए टेनिस कॉम्प्लेक्स येथे सुरू असलेल्या या स्पर्धेत मुलींच्या गटात महाराष्ट्राच्या रिद्धी शिंदेने शिबानी गुप्तेचा टायब्रेकमध्ये 5-7, 7-6(5), 6-2 असा तीन सेटमध्ये पराभव केला. महाराष्ट्राच्या श्रेया पठारेने क्वालिफायर प्रार्थना खेडकरचा 6-0, 6-2 असा तर, महाराष्ट्राच्या स्वनिका रॉय हिने गुजरातच्या एंजल पटेलचा 6-0, 6-4 असा पराभव करून आगेकूच केली. मध्यप्रदेशच्या अविशी शर्माने पात्रता फेरीतून मुख्य फेरीत प्रवेश केलेल्या मेहक कपूरचा 0-6, 6-0, 7-5 असा पराभव केला. महाराष्ट्राच्या ध्रुवी आद्यंथयाने उत्तरप्रदेशच्या वर्णिका दीक्षितचे आव्हान 6-1, 6-0 असे संपुष्टात आणले. क्वालिफायर महाराष्ट्राच्या श्रीमोइ कामत हिने गुजरातच्या परिश्री मेघानीचा 7-5, 6-3 असा पराभव करून दुसरी फेरी गाठली.

निकाल: मुख्य ड्रॉ: मुले: पहिली फेरी:
वाणीज पोथुनूरी(तेलंगणा)वि.वि.यज मलिक 1-6, 6-3, 6-4;
विश्वजीत सणस(महा)(13)वि.वि.मोक्षक चल्ला(तेलंगणा)6-2, 6-1;
वंशराज जलोटा(उत्तरप्रदेश)(15)वि.वि.ध्रुव हेगडे(तेलंगणा) 7-6(5), 6-3;
वरद उंद्रे (महा)वि.वि.अंशुल पोनुगोटी(महा) 6-0, 6-1;
शिवतेज शिरफुले(महा)वि.वि.इशान खडीर(कर्नाटक) 6-2, 6-4;
वरद पोळ(महा)वि.वि.ऋषी यादव(उत्तरप्रदेश)(2)6-3, 6-3;मुली: पहिली फेरी:
रिद्धी शिंदे (महा)वि.वि.शिबानी गुप्ते (महा) 5-7, 7-6(5), 6-2;
दीपशिका विनयगमूर्ती (तामिळनाडू)वि.वि.आद्या चौरसिया(कर्नाटक) 6-1, 5-7, 6-2;
श्रीमोइ कामत (महा)वि.वि.परिश्री मेघानी (गुजरात) 7-5, 6-3;
नीलाक्षी लाथेर(दिल्ली)वि.वि.काव्या देशमुख (महा) 6-3, 7-5;
हिया कुगसिया(गुजरात)वि.वि.मेहा पाटील(महा) 7-5, 6-1;
दिशा कुमार(कर्नाटक)वि.वि.साझी जैन (मध्यप्रदेश) 6-0, 6-2;
ध्रुवी आद्यंथया(महा)वि.वि.वर्णिका दीक्षित(उत्तरप्रदेश) 6-1, 6-0;
श्रेया पठारे (महा)वि.वि.प्रार्थना खेडकर (महा) 6-0, 6-2;
अविशी शर्मा(मध्यप्रदेश)वि.वि.मेहक कपूर(महा) 0-6, 6-0, 7-5;
देवश्री महाडेश्वर (महा)वि.वि.ऋषिता पाटील (महा) 6-4, 6-2;
कीर्तना रंगिनेनी(तेलंगणा)वि.वि.अव्यक्ता रायवरपू(तेलंगणा) 6-3, 6-4;
वृंदिका राजपूत (महा) वि.वि.जोशिता गोली (मध्यप्रदेश) 6-0, 6-2;
कृतिका वंगाला (तेलंगणा)वि.वि.अविपशा देहुरी (ओडिशा) 6-3, 6-4;
स्वनिका रॉय (महा)वि.वि.एंजल पटेल (गुजरात) 6-0, 6-4;