पुणे: आंबेगाव, संतोषनगर परिसरात उद्या पाणी बंद

पुणे, १ जुलै २०२५ः आगम मंदिर येथे स्थापत्य विषयक केल्या जाणाऱ्या कामामुळे गुरुवारी (ता. ३) आंबेगाव, संतोषनगर आदी भागातील पाणी पुरवठा बंद राहणार आहे. शुक्रवारी (ता. ४) उशिरा व कमी दाबाने पाणी पुरवठा सुरु होईल, अशी माहिती पाणी पुरवठा विभागाने दिली आहे.

पुढील भागातील पाणी पुरवठा बंद असेल ः दत्तनगर, टेक्लो कॉलनी, आमराई, आंबेगाव बुद्रूक पर्यंतचा भाग, दळवी नगर, वाघजाई नगर, आचल फार्म परिसर, पंचम नगर, वडार वस्ती व परिसर, संतोष नगर, अंजली नगर, महावीर कुंज, वंडर सिटी, सेक्शन सोसायटी परिसर, गुरुद्वारा परिसर, आंबेगाव खुर्द गावठाण, जांभूळवाडी रस्ता आदी.