मतदान करा, हेच खरे आवाहन ; अभिनेते प्रवीण तरडे यांचे मतदात्यांना आवाहन

पुणे, १५ जानेवारी २०२६: अभिनेते प्रवीण तरडे यांनी नागरिकांना मतदान करण्याचे आवाहन केले आहे. त्यांनी सांगितले की, लोकसभा आणि विधानसभा निवडणुकांनंतर सलग मतदान होत असल्याने काही लोकांमध्ये थोडा कंटाळा असू शकतो; मात्र, गल्लीबोळातील स्थानिक प्रश्नांसाठी महानगरपालिका निवडणुका अत्यंत महत्त्वाच्या आहेत.

तरडे म्हणाले, “निवडणुकीत कोण मित्र आणि कोण शत्रू हे कळत नाही. युद्ध सुरू असते, पण जखमा कोणाला होतात हे समजत नाही.” त्यांनी स्पष्ट केले की, गुन्हेगारांना उमेदवारी देणे कोणालाही मान्य नसावे आणि उमेदवार कोण असेल याचा निर्णय जबाबदार पक्षांनी काळजीपूर्वक घ्यावा.

प्रवीण तरडे यांनी ठामपणे सांगितले, “गुन्हेगारीवर सिनेमा बनवू शकतो, पण गुन्हेगारांना समर्थन देणार नाही.”