लोणावळा, १८/०३/२०२३: मुंबई-पुणे द्रुतगती मार्गावर सोमाटणे परिसरात शनिवारी सकाळी मोटारीचा भीषण अपघात झाला. रस्त्याच्या कडेला लावण्यात आलेल्या सुरक्षा दुभाजकाचा जाड पत्रा माेटारीत आरपार शिरला. दैव बलवत्तर होते म्हणून अपघातात जीवीतहानी झाली नाही. अपघातात एक जण जखमी झाला.
द्रुतगती मार्गावरुन मुंबईहून पुण्याकडे भरधाव मोटार सकाळी साडेसातच्या सुमाास निघाली निघाली होती. त्या वेळी मोटारचालकाचे नियंत्रण सुटले आणि मोटार रस्त्याच्या कडेला लावण्यात आलेल्या सुरक्षा दुभाजकावर आदळली. दुभाजकाचा पत्रा तुटून तो थेट मोटारीत शिरला. पत्रा मोटारीतून आरपार झाले. सुदैवाने या अपघातात जीवीतहानी झआली नाही. अपघातात मोटारीतील एक जण जखमी झाला असून त्याच्यावर सोमाटणे येथील खासगी रुग्णालयात उपचार सुरू आहेत.
शुक्रवारी (१७ मार्च) द्रुतगती मार्गावर उर्से टोलनाक्याजवळ टायर खराब झाल्याने कोळशाची वाहतूक करणारा मालवाहू ट्रक थांबला होता. त्या वेळी सेवा रस्त्यावर थांबलेल्या ट्रकवर भरधाव मोटार आदळून मोटारीतील तिघांचा जागीत मृत्यू झाला होता.
मुंबई-पुणे द्रुतगती मार्गावर अतिवेगामुळे गंभीर अपघात होतात. गंभीर अपघात रोखण्यासाठी महामार्ग पोलीस आणि महाराष्ट्र राज्य रस्ते विकास महामंडळाने उपाययोजना केल्या आहेत. वेगमर्याद ताशी ८० ते ११० किलोमीटर निश्चित करण्यात आली आहे. वेगमर्यादा धुडकावल्यामुळे गंभीर स्वरुपाचे अपघात घडले आहेत. गेल्या दोन दिवसात द्रुतगती मार्गावर झालेले अपघात भरधाव वेगामुळे झाले आहेत.
More Stories
मतदान करा, हेच खरे आवाहन ; अभिनेते प्रवीण तरडे यांचे मतदात्यांना आवाहन
अभिनेता सुबोध भावे यांनी पुणेकरांसोबत मतदानाचा हक्क बजावला
शाई पुसून मतदानाचा गैरकृत्य करणाऱ्यास पुन्हा मतदान करता येणार नाही