पुणे, दि. १३ मे, २०२३ : मोहनवीणा आणि सात्विकवीणा यांचा बहारदार अविष्कार पुणेकर रसिकांनी अनुभविला निमित्त होते सुप्रसिद्ध तबलावादक पं. अरविंद कुमार आझाद यांच्या तालायन म्युझिक सर्कल या संस्थेच्या वतीने तबला सम्राट पद्मविभूषण पं. किशन महाराज यांच्या जन्मशताब्दीचे औचित्य साधत आयोजित करण्यात आलेल्या ‘श्रध्दा सुमन’ या विशेष सांगितिक कार्यक्रमाचे.
कार्यक्रमाच्या पहिल्या दिवशी मोहनवीणा आणि सात्विक वीणेच्या झंकाराने पुणेकरांना जणू विस्मयीत केले. यावेळी ग्रॅमी पुरस्कार विजेते पद्मभूषण पं विश्वमोहन भट्ट आणि त्यांचे सुपुत्र तंत्री सम्राट पं सलील भट्ट यांनी आपले वीणावादन प्रस्तुत केले. त्यांनी राग गावती सादर केला. यावेळी या दोघांनी जुगलबंदी सादर करीत दुर्मिळ लयकारीचे प्रदर्शन करीत राग खुलवत नेला. यासोबतच ग्रॅमी पुरस्कार प्राप्त ‘अ मिटींग बाय दी रिव्हर…’ ही रचना सादर केली. त्यांना पं हिमांशू महंत यांनी समर्पक तबलासाथ केली. यानिमित्ताने पुणेकरांनी मोहनवीणा आणि सात्विक वीणा यांचे वादन अनुभविले.

More Stories
पुणे: भिडे पूल १९ नोव्हेंबरपासून वाहतुकीसाठी बंद; ३१ डिसेंबरपर्यंत पर्यायी मार्गांचा वापर करण्याचे आवाहन
लोहगावच्या हरणतळे तलावाचे गतवैभव जपण्यासाठी नगरसेविका ऐश्वर्या पठारे आग्रही; नाल्यांवरील अतिक्रमणे व प्रदूषणाचा प्रश्न सर्वसाधारण सभेत उपस्थित!
पुणे : जयस्तंभ शौर्यदिन सोहळ्याच्या तयारीला प्रशासनाकडून सुरुवात; १ जानेवारी २०२७ च्या कार्यक्रमाचा जिल्हाधिकाऱ्यांकडून आढावा