पुणे, दि. ०३/०३/२०२३: दुचाकी वेडीवाकडी का चालवतोस असे विचारत दुचाकीस्वार चोरट्यांनी तरुणाकडील रोकड आणि गळयातील सोन्याचा गोफ हिसकावून नेला. ही घटना १ मार्चला रात्री साडेअकराच्या सुमारास वारजे माळवाडीत परिसरात घडली.
याप्रकरणी सोमनाथ बालाजी पांचाळ (वय ३८, रा. वारजे माळवाडी) यांनी वारजे पोलिस ठाण्यात तक्रार दिली आहे.
पोलिसांनी दिलेल्या माहितीनुसार, फिर्यादी सोमनाथ हे १ मार्चला कामावरुन सुटल्यानंतर दुचाकीवरुन घरी निघाले होते. त्यावेळी वारजे पुल परिसरात दुचाकीस्वार चोरट्यांनी त्यांचा पाठलाग करुन थांबविले. तु वाकडी तिकडी गाडी का चालवतोस, असे म्हणत एका चोरट्याने सोमनाथच्या खिशातील १ हजार २०० रुपये आणि गळ्यातील ४० हजारांचा सोन्याचा गोफ असा ऐवज हिसकावून नेला. याप्रकरणी पोलीस उपनिरीक्षक जवळगी तपास करीत आहेत.
More Stories
पुणे: मुरलीधर मोहोळांनी महापालिका आणि पाटबंधारेला दिला हा इशारा
पुणे: पुराचा धोका असणाऱ्या भागात सीसीटीव्ही कॅमेरे बसविणार – आयुक्त डॉ राजेंद्र भोसले यांनी दिली माहिती
जलसंपदा विभाग आणि महापालिकेच्या असमन्वामुळेच पुण्यात पूरस्थिती: केंद्रीय राज्यमंत्री मोहोळ यांचा आरोप