पुणे: शहरात विधानसभेच्या आठ जागांपैती पाचवर काँग्रेसचा दावा

पुणे, ११ जुलै २०२४ आगामी विधानसभा निवडणुकीसाठी पाच विधानसभा मतदारसंघांवर काँग्रेसने हक्क सांगितला आहे. दरम्यान शहरातील आठ जागांसाठी १४ इच्छुकांनी आत्तापर्यंत पक्षाकडे अर्ज केला आहे.

लोकसभा निवडणुकीप्रमाणे आगामी विधानसभा निवडणूक ही महा विकास आघाडीच्या माध्यमातून एकत्रित लढवण्याचा निर्णय तिन्ही पक्षांनी घेतला आहे. महाविकास आघाडीतील जागा वाटपाबाबतचा निर्णय अद्याप झालेले नाही. परंतु आघाडीतील तिन्ही पक्षांनी निवडणुकांची तयारी सुरू केली आहे. महाविकास आघाडीतील घटक पक्ष असलेल्या राष्ट्रवादी शरदचंद्र पवार पक्ष आणि शिवसेना उद्धव ठाकरे गट यांनी यापूर्वी शहरातील सर्व जागांवर दावा केला आहे. या पाठोपाठ काँग्रेसने आता शहरातील आठ पैकी पाच विधानसभा मतदारसंघावर दावा करण्याचा निर्णय घेतला आहे.

शहर काँग्रेस पदाधिकाऱ्यांची काल साप्ताहिक बैठक झाली. त्यामध्ये पाच जागांवर दावा करण्याचा निर्णय घेण्यात आला. कसबा विधानसभा मतदारसंघांमध्ये काँग्रेसचे आमदार आहे. तर मागील विधानसभा निवडणुकीत शिवाजीनगर आणि पुणे कॅन्टोन्मेंट या दोन्ही मतदारसंघात पक्षाच्या उमेदवाराचा निसाडता पराभव झाला होता. त्यामुळे या तिन्ही मतदारसंघाबरोबरच पर्वती आणि हडपसर या दोन्ही मतदारसंघावरही दावा करण्याचा निर्णय या बैठकीत घेण्यात आला, असे पक्षातील सूत्रांकडून सांगण्यात आले.

दरम्यान विधानसभा निवडणुकीसाठी इच्छुक असलेल्या कडून पक्षाने अर्ज मागविले होते. आतापर्यंत पक्षाकडे १४ इंचूकांनी अर्ज दाखल केले आहेत.