चौथ्या द पूना क्लब स्विमिंग लीग 2026 स्पर्धेत पहिल्या दिवशी एसके फ्लिपर्स, एएसआर डॉल्फिन्स संघांची धडाकेबाज कामगिरी

पुणे, 10 एप्रिल 2026 : पूना क्लब यांच्या वतीने आयोजित चौथ्या द पूना क्लब स्विमिंग लीग 2026 स्पर्धेत पहिल्या दिवस अखेर एसके फ्लिपर्स, एएसआर डॉल्फिन्स या संघानी अ व ब गटात आघाडी प्राप्त केली आहे.

पूना क्लब स्विमिंग पूल या ठिकाणी सुरु असलेल्या या स्पर्धेत अ गटात एसके फ्लिपर्स संघाने 135 गुणांसह, तर ब गटात एएसआर डॉल्फिन्स संघाने 154 गुणांसह गुण तालिकेत आघाडी घेतली.

स्पर्धेत अ गटात जेट्स व जॅग्वार्स संघ अनुक्रमे 130 व 121 गुणांसह दुसऱ्या व तिसऱ्या स्थानी आहेत. तर, ब गटात वेव्ह वॉरियर्स संघ 124गुणांसह दुसऱ्या स्थानी आणि अद्विक परमार ऑल स्टार्स संघ 115 गुणांसह तिसऱ्या स्थानी आहेत. या स्पर्धेसाठी वेंकीज, व्हेनकॉब व एनईसीसी हे मुख्य प्रायोजक आहेत.

याआधी स्पर्धेचे उदघाटन पूना क्लबचे अध्यक्ष व स्विमिंग विभागाचे सचिव गौरव गढोक, पूना क्लबच्या क्रीडा विभागाचे चेअरमन तुषार आसवानी आणि प्रायोजक व्हेनकॉबचे अमित रोपलेकर यांच्या हस्ते करण्यात आले.