पुणे, दि. १२/०४/२०२३ – मोटारीत बसलेल्या एकाचे लक्ष विचलित करुन चोरट्यांनी गाडीतील ६० हजारांची रोकड चोरुन नेल्याची घटना मध्यवर्ती शिवाजीनगरमधील मॉडर्न कॅफे परिसरात घडली. याप्रकरणी तिघा चोरट्यांविरुद्ध शिवाजीनगर पोलिस ठाण्यात गुन्हा दाखल करण्यात आला आहे.
निखील भेडसगावकर (वय ५५ रा. नवी पेठ) यांनी तक्रार दिली आहे.
पोलिसांनी दिलेल्या माहितीनुसार, निखील हे ११एप्रिलला दुपारी पावणेचार वाजण्याच्या सुमारास शिवाजीनगरमधील मॉडर्न कॅफे परिसरात मोटारीत बसले होते. त्यावेळी तिथे आलेल्या तिघांनी निखील यांचे लक्ष विचलित करीत पैसे खाली पडल्याची बतावणी केली. त्यामुळे गडबडीत मोटारीतून खाली उतरत असताना चोरट्याने दुसर्‍या बाजूने मोटारीतून ६० हजारांची रोकड चोरुन नेली.काही वेळानंतर निखील यांना रोकडची चोरी झाल्याचे लक्षात आले. त्यानंतर त्यांनी शिवाजीनगर पोलीस ठाणे गाठून चोरी झाल्याची तक्रार नोंदविली. पोलीस अमलदार सावरे तपास करीत आहेत.
More Stories
सणांतून जपूया भाषा, निसर्ग आणि संस्कृती!
दसऱ्याच्या मुहूर्तावर महारेराकडून ४३५ नवीन गृहनिर्माण प्रकल्पांना मंजुरी; २३,७१९ कोटींची गुंतवणूक अपेक्षित
पुणेकर कलारसिकांना होणार देशभरातील हस्तकला व संस्कृतीचे होणार दर्शन