पुणे, दि. १२/०४/२०२३ – मोटारीत बसलेल्या एकाचे लक्ष विचलित करुन चोरट्यांनी गाडीतील ६० हजारांची रोकड चोरुन नेल्याची घटना मध्यवर्ती शिवाजीनगरमधील मॉडर्न कॅफे परिसरात घडली. याप्रकरणी तिघा चोरट्यांविरुद्ध शिवाजीनगर पोलिस ठाण्यात गुन्हा दाखल करण्यात आला आहे.
निखील भेडसगावकर (वय ५५ रा. नवी पेठ) यांनी तक्रार दिली आहे.
पोलिसांनी दिलेल्या माहितीनुसार, निखील हे ११एप्रिलला दुपारी पावणेचार वाजण्याच्या सुमारास शिवाजीनगरमधील मॉडर्न कॅफे परिसरात मोटारीत बसले होते. त्यावेळी तिथे आलेल्या तिघांनी निखील यांचे लक्ष विचलित करीत पैसे खाली पडल्याची बतावणी केली. त्यामुळे गडबडीत मोटारीतून खाली उतरत असताना चोरट्याने दुसर्या बाजूने मोटारीतून ६० हजारांची रोकड चोरुन नेली.काही वेळानंतर निखील यांना रोकडची चोरी झाल्याचे लक्षात आले. त्यानंतर त्यांनी शिवाजीनगर पोलीस ठाणे गाठून चोरी झाल्याची तक्रार नोंदविली. पोलीस अमलदार सावरे तपास करीत आहेत.
More Stories
संरक्षण मंत्रालयाच्या पुणे येथील दक्षिण विभागाच्या जनसंपर्क अधिकारी पदी अंकुश चव्हाण यांची नियुक्ती
डेक्कन कॉलेज पद्व्युत्तर आणि संशोधन संस्था, अभिमत विद्यापीठ, पुणे येथे ‘वाचन संकल्प महाराष्ट्राचा’ उपक्रम उत्साहात पार पडला.
वंचित मुलांसाठी हक्काचे घर निर्माण करून देणारे कावेरी व दीपक नागरगोजे यांची सामान्य ते असामान्य कार्यक्रमात होणार विशेष मुलाखत