April 22, 2024

पुणे: शिवाजीनगर व खडकी येथील रेल्वेच्या जमिनीवरील बेकायदा अतिक्रमण हटवण्यात आले

पुणे, ०२/०६/२०२३: शिवाजीनगर आणि खडकी रेल्वे स्थानकांदरम्यान रेल्वेच्या जमिनीवरील अनधिकृत अतिक्रमण हटवण्याची मोहीम दिनांक 01 जून रोजी राबविण्यात आली ज्यामध्ये 150-200 अनधिकृत झोपड्या हटवण्यात आल्या जो 550 x 20 मीटर रेल्वे जमिनीवर अनधिकृत कब्ज़ा होता व जमिनीचे बाजारमूल्य अंदाजित 05 कोटी रूपये आहे.

अतिक्रमण काढण्याची मोहीम वरिष्ठ विभागीय सुरक्षा आयुक्त/रेल्वे सुरक्षा बल पुणे, सहायक सुरक्षा आयुक्त/रेल्वे सुरक्षा बल /पुणे यांच्या मार्गदर्शनाखाली राबवली गेली .
या संयुक्त अभियानात इंजीनियरिंग विभाग, जीआरपी आणि स्थानिक पोलिस ज्यात 50 गँगमन, रेल्वे सुरक्षा बल , जीआरपी आणि स्थानिक पोलिसांचे सुमारे 30 कर्मचारी आणि 04 जेसीबी मशीनचा देखील वापर करण्यात आला . ही कारवाई 08 तासांपेक्षा जास्त काळ चालली. रेल्वे परिसर अतिक्रमणमुक्त ठेवण्यासाठी यापुढील काळातही अशा मोहिमा नियमितपणे राबविण्यात येतील .