पुणे, दि. २/०६/२०२३ – बोअरवेल ट्रकचालकाने पाठीमागून दिलेल्या धडकेत दुचाकीस्वार तरुणी ठार झाली आहे. हा अपघात १ जूनला दुपारी पावणेएकच्या सुमारास वाघोली-केसनंद रस्त्यावर घडला. याप्रकरणी ट्रकचालकाला लोणीकंद पोलिसांनी अटक केली आहे.
गौरवी जाधव (वय १९ रा. वाघोली ) असे ठार झालेल्या तरुणीचे नाव आहे. याप्रकरणी लक्ष्मण चिन्नास्वामी रामलिंगम (वय ३८, रा. कोलवडी ,हवेली ) असे अटक केलेल्याचे नाव आहे. आशिष रामप्रसाद (वय २३, रा. वाघोली ) याने तक्रार दिली आहे.
आशिष आणि त्याची मैत्रिण गौरवी १ जूनला दुपारी साडेबाराच्या सुमारास वाघोली गावच्या हद्दीतून दुचाकीवर प्रवास करीत होते. त्यावेळी पाठीमागून भरधाव वेगात बोअरवेल ट्रक चालवून लक्ष्मणने त्यांना धडक दिली. त्यामुळे खाली पडून गंभीररित्या जखमी झालेल्या गौरवीचा मृत्यू झाला. अपघातानंतर परिसरात वाहतूककोंडी झाली होती. याप्रकरणी बोअरवेल ट्रकचालक लक्ष्मणला अटक करण्यात आली आहे. पोलीस उपनिरीक्षक महादेव लिंगे तपास करीत आहेत.
More Stories
येत्या काळात लोहगाव आणि वडगावशेरी परिसरात कौशल्यवर्धन केंद्र उभारण्यात येईल-उपमुख्यमंत्री
जिल्हा खरीप हंगामपूर्व आढावा बैठक संपन्न; बियाणे, खते, निविष्ठांच्या पुरवठ्याबाबत आढावा
तिकीट वेळेत घ्या, अन्यथा दंडात्मक कारवाई होईल- पीएमपीएमएलचे प्रवाशांना आवाहन