पुणे, दि. २०/०९/२०२३: गर्दीचा फायदा घेउन चोरट्यांनी सराफाकडील पिशवीतून ४ लाख १८ हजारांचे सोन्याचे बिस्कीट चोरुन नेले. ही घटना १९ सप्टेंबरला दुपारी बावणेबाराच्या सुमारास रविवार पेठेतील हमजेखान चौकात घडली आहे. याप्रकरणी दीनेशकुमार खंडेलवाल (वय ४६ रा. गुरूवार पेठ) यांनी फरासखाना पोलीस ठाण्यात तक्रार दाखल केली आहे.
पोलिसांनी दिलेल्या माहितीनुसार, फिर्यादी दीनेशकुमार यांच्या भावाचे गंजपेठेत सोन्या-चांदीच्या दागिने विक्रीचे दुकान आहे. १९ सप्टेंबरला सकाळी साडेअकराच्या सुमारास दीनेशकुमार हे सोन्याचे बिस्कीट घेउन पायी रविवार पेठेत जात होते. त्यावेळी गर्दीचा फायदा घेउन चोरट्यांनी त्यांच्या पिशवीतून ४ लाख १८ हजारांचे सोन्याचे बिस्कीट चोरून नेले. याप्रकरणी पोलीस उपनिरीक्षक प्रतीक्षा शेंडगे तपास करीत आहेत.
More Stories
ज्योत्स्ना भोळे स्वरोत्सवाचे आयोजन येत्या १४ व १५ जुलै रोजी
जगद्गुरु संत श्री तुकाराम महाराज यांच्या पादुकांचे मुख्यमंत्री देवेंद्र फडणवीस यांनी घेतले दर्शन
मुख्यमंत्री देवेंद्र फडणवीस यांनी घेतले संतश्रेष्ठ श्री ज्ञानेश्वर महाराज पादुकांचे दर्शन