पुणे, २१ जानेवारी २०२५ ः तळजाई टाकी येथील मुख्य जलवाहिनीचे तातडीचे काम करण्यात येणार असल्याने गुरुवारी (ता.२३) भारती विद्यापीठ परिसर, आंबेगाव पठार, आंबेगाव बुद्रुक व परिसरात पाणी पुरवठा बंद असणार आहे. दुसऱ्या दिवशी उशिरा व कमी दाबाने पाणी पुरवठा होणार आहे, अशी माहिती महापालिकेच्या पाणी पुरवठा विभागाने दिली आहे.
तळजाई टेकडी येथील टाकी येथे मुख्य व्हॉल्व व त्याला जोडणाऱ्या मुख्य जलवाहिनीच्या देखभाल दुरुस्तीचे काम गुरुवारी तातडीने केले जाणार आहे. या कामामुळे भारती विद्यापीठ परिसर, आंबेगाव पठार, चंद्रभागा, निलगीरी चौक,जिजामाता भुयारी मार्ग परिसर, आंबेगाव बुद्रुक, धनकवडी, सर्व्हे क्रमांक ३, ४, ७, ८, तळजाई पठार, मेघदुत सोसायटी, आनंद भवन सोसायटी या भागातील पाणी पुरवठा गुरुवारी बंद असणार आहे. दुसऱ्या दिवशी शुक्रवारी (ता.२४) संबंधित परिसरामध्ये पाणी पुरवठा उशिरा व कमी दाबाने होणार आहे.
More Stories
पुणेकर कलारसिकांना होणार देशभरातील हस्तकला व संस्कृतीचे होणार दर्शन
नवीन पुनर्विकास शासन निर्णयामुळे गृहनिर्माण संस्थांच्या प्रक्रियेत पारदर्शकता आणि स्पष्टता येणार – सुहास पटवर्धन
पाणी कपातीमुळे २.३० टीएमसी पाण्याची बचत, दुष्काळात ३७ दिवसाचा पाणीसाठा उपयोगी