पुणे, दि. ०२/०७/२०२३: कामावरुन सुटल्यानंतर रस्त्याने पायी चाललेल्या तरूणाला अडवून चोरट्यांनी मोबाइल, रोकड असा साडेपाच हजारांचा ऐवज हिसकावून नेला. ही घटना ३० जूनला रात्री दहाच्या सुमारास हडपसरमधील डीपी रस्ता परिसरात घडली.
याप्रकरणी २३ वर्षीय तरूणाने हडपसर पोलीस ठाण्यात तक्रार दाखल केली आहे
पोलिसांनी दिलेल्या माहितीनुसार, फिर्यादी तरुण हडपसरमधील एका खासगी कंपनीत कामाला आहे. ३० जूनला कामावरुन सुटल्यानंतर रात्री दहाच्या सुमारास डीपी रस्ता परिसरातून पायी जात होता. त्यावेळी दुचाकीस्वार चोरट्यांनी त्याला अडवून ४ हजारांचा मोबाइल आणि रोकड असा साडेपाच हजारांचा ऐवज हिसकावून नेला. तरूणाने आरडाओरड करेपर्यंत दुचाकीस्वार चोरटे पसार झाले. पोलीस उपनिरीक्षक सुवर्णा गोसावी तपास करीत आहेत.
More Stories
पुणेकर कलारसिकांना होणार देशभरातील हस्तकला व संस्कृतीचे होणार दर्शन
नवीन पुनर्विकास शासन निर्णयामुळे गृहनिर्माण संस्थांच्या प्रक्रियेत पारदर्शकता आणि स्पष्टता येणार – सुहास पटवर्धन
पाणी कपातीमुळे २.३० टीएमसी पाण्याची बचत, दुष्काळात ३७ दिवसाचा पाणीसाठा उपयोगी