औंरंगाबाद, दि 26 ऑक्टोबर 2023: ईएमएमटीसी तर्फे आयोजित व एआयटीए व एमएसएलटीए यांच्या मान्यतेखाली होत असलेल्या ईएमएमटीसी – एमएसएलटीए 14 वर्षाखालील राष्ट्रीय टेनिस अजिंक्यपद स्पर्धेत मुलींच्या गटात महाराष्ट्राच्या पाचव्या मानांकित आनंदिता उपाध्याय हिने हरियाणाच्या अव्वल मानांकित प्राची मलिकचा 6-2, 7-5 असा पराभव करून खळबळजनक निकालाची नोंद केली.
औंरंगाबाद येथील ईएमएमटीसी टेनिस कॉम्प्लेक्सवर सुरु असलेल्या एकेरीत मुलांच्या गटात उपांत्यपूर्व फेरीत अव्वल मानांकित तेलंगणाच्या हृतिक कटकमने तामिळनाडूच्या सहाव्या मानांकित फजल अली मीरचा 6-1, 6-2 असा सहज पराभव करून आगेकूच केली. तिसऱ्या मानांकित शिवतेज शिरफुलेने काल मानांकित खेळाडूवर विजय मिळवणाऱ्या महाराष्ट्राच्या आराध्य म्हसदेचा 6-3, 6-2 असा पराभव करून उपांत्य फेरी गाठली. कर्नाटकच्या चौथ्या मानांकित प्रकाश सरन याने गुजरातच्या आठव्या मानांकित ओम पटेलचा 6-2, 6-2 असा पराभव करून आपले आव्हान कायम राखले. दुसऱ्या मानांकित हरियाणाच्या तविश पहवानेकर्नाटकच्या सातव्या मानांकित अनुराग कळंबेलाचा 6-3, 6-2 असा पराभव करून उपांत्य फेरीत धडक मारली.
मुलींच्या गटात तामिळनाडूच्या तिसऱ्या मानांकित सविता भुवनेश्वरनने कर्नाटकच्या कार्तिका पद्मकुमारचा 6-2, 6-3 असा सरळ सेटमध्ये पराभव केला. महाराष्ट्राच्या सातव्या मानांकित पार्थसारथी मुंढेने दिया अग्रवालचे आव्हान 7-5, 6-1 असे मोडीत काढले. दुसऱ्या मानांकित ओडिशाच्या आहानने नवव्या मानांकित अविपशा देहुरीचा टायब्रेकमध्ये 6-7(3), 6-2, 6-3 असा संघर्षपूर्ण पराभव केला.
दुहेरीत मुलांच्या गटात तेलंगणाच्या हृतिक कटकमने हरियाणाच्या तविश पाहवाच्या साथीत ईशान येडलापल्ली व नील केळकर यांचा 6-1, 6-3 असा तर, महाराष्ट्राच्या मनन अग्रवाल व गुजरातच्या ओम पटेल यांनी कुशाग्र अरोरा व नव्या यादव यांचा 6-3, 6-0 असा पराभव करून उपांत्य फेरीत प्रवेश केला.
स्पर्धेचा सविस्तर निकाल: मुख्य ड्रॉ: एकेरी: उपांत्यपूर्व फेरी: मुले:
हृतिक कटकम(तेलंगणा)(1)वि.वि.फजल अली मीर(तामिळनाडू)(6) 6-1, 6-2;
शिवतेज शिरफुले(महा)(3)वि.वि.आराध्या म्हसदे(महा)(11)6-3, 6-2;
प्रकाश सरन(कर्नाटक)(4) वि.वि.ओम पटेल(गुजरात)(8)6-2, 6-2;
तविश पहवा(हरियाणा)(2)वि.वि.अनुराग कळंबेला(कर्नाटक)(7) 6-3, 6-2;
मुली:
आनंदिता उपाध्याय (महा)(5) वि.वि.प्राची मलिक(हरियाणा)(1)6-2, 7-5;
सविता भुवनेश्वरन(तामिळनाडू)(3)वि.वि.कार्तिका पद्मकुमार(कर्नाटक) 6-2, 6-3;
पार्थसारथी मुंढे (महा(7)वि.वि.दिया अग्रवाल 7-5, 6-1;
आहान(ओडिशा)(2)वि.वि.अविपशा देहुरी(9)6-7(3), 6-2, 6-3;
More Stories
19व्या रमेश देसाई मेमोरियल 16 वर्षाखालील राष्ट्रीय ज्युनियर टेनिस अजिंक्यपद स्पर्धेचे कोल्हापूरमध्ये आयोजन
टीपीएल – पीएमडीटीए खुल्या टेनिस स्पर्धेत 60 खेळाडूंचा सहभाग
आयटीएफ मास्टर्स जागतिक टेनिस अजिंक्यपद स्पर्धेत नितीन किर्तनेची ऐतिहासिक कामगिरी