April 22, 2024

पुणे रेल्वे विभागात एप्रिल महिन्यात 28 हजाराहून अधिक विना तिकीट लोकांकडून दंड वसूली

पुणे, ०२/०५/२०२३: पुणे रेल्वे विभागात एप्रिल महिन्यात तिकीट तपासणी दरम्यान 28 हजार 167 लोक विना तिकीट प्रवास करताना आढळून आले व त्यांच्याकडून 2कोटी 29 लाख 22 हज़ार रुपये दंड वसूल करण्यात आला. तसेच 8589 जणांना अनियमित प्रवासासाठी 50 लाख 69 हज़ार रुपये दंड ठोठावण्यात आला आहे , तसेच सामान बुक न करता तसेच घेऊन जाणाऱ्या 206 जणांकडून 21 हजार रुपयांचा दंड वसूल करण्यात आला आहे.

ही कारवाई विभागीय रेल्वे व्यवस्थापक श्रीमती इन्दु दुबे यांच्या मार्गदर्शनाखाली तसेच अपर विभागीय रेल्वे व्यवस्थापक बृजेश कुमार सिंह आणि वरिष्ठ विभागीय वाणिज्य व्यवस्थापक डॉ. मिलिंद हिरवे आणि विभागीय वाणिज्य व्यवस्थापक डॉ. रामदास भिसे यांच्या समन्वयाने तिकीट निरीक्षकांद्वारे करण्यात आली.

रेल्वे प्रशासनाकडून अशा प्रकारे तिकीट तपासणी मोहीम सातत्याने सुरू आहे. प्रवाशांना विनंती करण्यात येत आहे की त्यांनी योग्य तिकीट घेऊनच प्रवास करावा. अन्यथा त्यांना रेल्वे कायद्यांतर्गत दंड भरावा लागेल आणि न भरल्यास तुरुंगवासही होऊ शकतो.