पीवायसी विनसिस रॅकेट लीग 2025 स्पर्धेत एकूण 196 खेळाडू सहभागी स्पर्धेस आज 5 मार्चपासून प्रारंभ

पुणे, 4 मार्च 2025- पीवायसी हिंदू जिमखाना क्लब आयोजित आठव्या पीवायसी विनसिस रॅकेट लीग स्पर्धेस पाच मार्च पासून प्रारंभ होत असून या 6 संघात मिळून 196 खेळाडू सहभागी झाले आहेत. नऊ तारखेपर्यंत पीवायसी हिंदू जिमखाना क्लबच्या टेबल टेनिस, टेनिस व बॅडमिंटन कोर्टवर ही स्पर्धा होत आहे.

अधिक माहिती देताना पीवायसी हिंदू जिमखानाचे अध्यक्ष कुमार ताम्हाणे आणि क्लबचे सह सचिव सारंग लागू यांनी सांगितले की, पीवायसी विनसिस रॅकेट लीग ही अनोखी व नाविन्यपूर्ण अशी लीग स्पर्धा मिश्र गटांत होणार असून यामध्ये प्रौढ, पुरूष, महिला आणि कुमार यांचा संघात समावेश असणार आहे.

क्लबचे सह सचिव सारंग लागू पुढे म्हणाले की, क्लबच्या सभासदांकरिता क्रिकेट, बॅडमिंटन, बास्केटबॉल, स्नूकर, टेनिस, टेबल टेनिस, फुटबॉल, फिटनेस आणि इतर सर्व रॅकेट क्रीडा प्रकारांमध्ये अशा वेगवेगळ्या क्रीडा प्रकारात लीग स्पर्धा आयोजित करणारा पीवायसी हिंदू जिमखाना क्लब हा शहरांतील एकमेव क्लब आहे. तसेच या क्रीडा प्रकारांच्या माध्यमातून सदस्यांना मनोरंजनबरोबरच आपले आरोग्य उत्तम ठेवण्यास महत्वपूर्ण ठरेल. या प्रमुख स्पर्धेबरोबर किड्स लीग स्पर्धा खेळविण्यात येणार असुन यामध्ये 56 खेळाडूंचा समावेश आहे.

सारंग लागू पुढे म्हणाले की, स्पर्धेला विनसिस यांचे प्रायोजकत्व लाभले असून आम्ही त्यांचे आभारी आहोत. तसेच, याशिवाय ही स्पर्धा सलग आठ वर्षे आमच्या क्लबमध्ये यशस्वीरित्या पार पडत असल्यामुळे आम्हांला खुप आनंद होत आहे.

या लढतीमध्ये दोन्ही संघात मिळून बॅडमिंटन व टेबल टेनिस प्रकारात आठ सामने आणि टेनिस प्रकारात सात सामने असे एकूण 23 सामने होणार आहेत. तसेच, प्रत्येक क्रीडा प्रकारात खेळाडूला त्याच्या खेळातील क्षमतेनुसार स्टार देण्यात येणार आहे. तसेच, स्पर्धेत या तीनही क्रीडा प्रकारात राष्ट्रीय स्तरावरील खेळाडू आपले कौशल्य पणाला लावणार असल्याचे त्यांनी नमुद केले. या तीनही क्रीडा प्रकारात खुल्या दुहेरी गटाचे पहिले पाच सामने हे 30 गुणांचे तर, उर्वरित दोन सामने प्रत्येकी 20गुणांचे असणार आहेत. नंदन डोंगरे यांनी स्पर्धा संचालक म्हणून नियुक्ती करण्यात आली आहे.

स्पर्धेसाठी 196 खेळाडूंची निवड लिलाव पध्दतीने करण्यात आली असून हे खेळाडू सहा संघाचे प्रतिनिधित्व करणार आहेत.यामध्ये निखिल चितळे(4100, सेनुमेरो रॉकेट्स)सर्वात महागडा खेळाडू ठरला असून त्यानंतर या खेळाडूंमध्ये केदार देशपांडे(3500, तलवार्स), आदित्य अभ्यंकर(3450,लॅन्सर्स), राहुल पाठक(3300,मस्कीटर्स यांचा समावेश आहे.

स्पर्धेतील सहभागी संघ व संघमालक यामध्ये रावेतकर मस्कीटर्स – अमोल रावेतकर, पराग चोपडा अय्यर- बदामीकर कोल्ट्स-अथर्व अय्यर व सिद्धार्थ बदामीकर पंडित जावडेकर तलवार्स- रणजीत पांडे स्पिअर्स – अमोल जोग व आशुतोष आगाशे सेनुमेरो रॉकेट्स – तुषार मेंगळेलॅन्सर्स – आलोक तेलंग यांचा समावेश आहे.

स्पर्धेच्या यशस्वी संयोजनासाठी संयोजन समिती स्थापन करण्यात आली असून यामध्ये अभिषेक ताम्हाणे, तुषार नगरकर, तन्मय आगाशे, सारंग लागू, रणजीत पांडे, दिप्ती सरदेसाई, केदार नाडगोंडे, नंदन डोंगरे यांचा समावेश आहे.